T Mobile తాపీ ఆర్మ్ చోరీ

స్మార్ట్ ఫోన్ల వినియోగం నేపథ్యంలో కంపెనీలు పరిశోధనల కోసం పోటీ పడుతున్నాయి. ఇదే సమయంలో T Mobile తాపీ పేరుతో ఓ రోబో ఆర్మ్‌ను తయారు చేసింది. దీని వెళ్లు మనిషి వెళ్లలా పని చేస్తాయి. కొత్త మోడల్ స్మార్ట్ ఫోన్ మార్కెట్లోకి వచ్చే ముందు తాపీ ద్వారా దీనిని టెస్ట్ చేస్తారు. ఓ మనిషి ఫోన్‌ను వినియోగించినట్లు తాపీ కూడా అలా వినియోగిస్తుంది. అలా పరీక్షిస్తారు. హువావేకు చెందిన స్మార్ట్ ఫోన్లను తమ ల్యాబ్‌లో పరీక్షించుకునేందుకు T Mobile అనుమతి ఇచ్చింది. ఇదే సమయంలో తామే ఓ సొంత రోబో తయారు చేయాలని భావించింది హువావే.

హువావే సీఈవో కూతురు మెంగ్ అరెస్ట్

ప్లాన్‌లో భాగంగా ఏడేళ్ల క్రితం (2012) అమెరికాలోని తమ ఉద్యోగులు T Mobile ల్యాబ్‌లోకి వెళ్లి పరీక్షలు చేసుకునేలా అనుమతులు తీసుకుంది. అదే సమయంలో తాపీ ఆర్మ్ సాంకేతికతను తీసుకురావాలని ఆ ఉద్యోగులపై ఒత్తిడి చేసింది. T Mobile ఉద్యోగులను అడిగి తెలుసుకునే ప్రయత్నాలు చేశారు. ఇది గుర్తించిన T Mobile.. హువావే ఉద్యోగులను తమ ల్యాబ్‌లోకి రాకుండా నిషేధించాలని భావించింది. ఆ సమయంలో హువావే చైనాకు చెందిన తమ ఇంజినీర్‌ను ఉద్యోగులతో కలిపి T Mobile ల్యాబ్‌కు పంపించి ఫోటోలు, టెక్నాలజీ సమాచారం సేకరించింది. ఆ తర్వాత మరో ఉద్యోగు రోబో ఆర్మ్ ఒక దానిని ఇంటికి తీసుకెళ్లి సమాచారాన్ని దొంగిలించాడు. మరుసటి రోజు T Mobileకు అప్పగించాడు. దీంతో హువావే ఉద్యోగులను T Mobile బ్యాన్ చేసింది. హువావేకు చెందిన ఓ షెల్ కంపెనీ ద్వారా అమెరికా టెక్నాలజీని ఇరాన్‌కు విక్రయిస్తోందని తేలింది. ఇవి తేలడంతో హువావే సీఎఫ్ఓ మెంగ్‌ను అప్పుడు అదుపులోకి తీసుకున్నారు. ఆమె (మెంగ్) తండ్రి హువావే సీఈవో రెన్ జెంగ్ఫీ. ఇతను చైనా కమ్యూనిస్ట్ పార్టీకి సన్నిహితుడు.

ఏం జరిగిందంటే

హువావేపై ట్రంప్ చర్యలకు చాలా పెద్ద కారణమే ఉందంటున్నారు. అమెరికాకు చెందిన T Mobile రోబో ఆర్మ్‌ను హువావే దొంగిలించిన ఆరోపణలు వచ్చాయి. అమెరికా టెక్నాలజీని ఇరాన్‌కు అమ్మేందుకు దీనిని చోరీ చేశారని చెబుతున్నారు. చైనాకు చెందిన హువావే సంస్థకు T Mobile అమెరికా వ్యాపార భాగస్వామి. T Mobileకు చెందిన తాపీ (Tappy) అనే రోబో ఆర్మ్‌కు సంబంధించిన టెక్నాలజీని హువావే దొంగిలించిందని ఆరోపణలు వచ్చాయి. దీనిని మొబైల్ ఫోన్లను పరీక్షించేందుకు ఉపయోగిస్తారు. హువావే ఉద్యోగులు ఈ రోబో టెక్నాలజీని, ఫోటోలను చైనాకు తరలించారనే ఆరోపణలు ఉన్నాయి. ఈ టెక్నాలజీ అందించిన ఉద్యోగులకు హువావే భారీ నజరానా ఇచ్చిందట. పైగా అమెరికన్ బ్యాంకులను మోసగిస్తూ ఇరాన్‌కు పరికరాలను విక్రయిస్తుందనే ఆరోపణలు హువావేపై ఉన్నాయి.