ఇరాన్ మీద దాడులు.. బట్ట బయలైన అమెరికా కుట్రలు.. ప్రపంచానికి నిజాన్ని తెలిపిన స్పెయిన్..

US-Iran War: పశ్చిమాసియా దేశాలపై అగ్రరాజ్యం అమెరికా విరుచుకుపడుతోంది. తనకు అనుకూలంగా లేని దేశాలపై యుద్ధాన్ని ప్రకటించింది. తాజాగా అమెరికా- ఇరాన్ యుద్దం మీద కీలకమైన న్యూస్ వెలుగులోకి వచ్చింది. ఈ విషయాన్ని బయటపెట్టింది స్పెయిన్ దేశం. ఇప్పుడు ఇరాన్‌పై జరుగుతున్న యుద్ధం సమయంలో ఓ అంశం అమెరికా - స్పెయిన్ మధ్య తీవ్ర వివాదానికి దారితీసింది.బుధవారం నాడు వైట్ హౌస్.. Spain తన సైనిక స్థావరాన్ని ఉపయోగించడానికి అమెరికా దళాలకు అనుమతి ఇచ్చిందని తెలిపింది. అయితే స్పానిష్ విదేశాంగ మంత్రి జోస్ మాన్యుయెల్ అల్బారెజ్ ఈ వాదనను పూర్తిగా ఖండించారు.

ఈ నేపథ్యంలో రెండు దేశాల మధ్య దౌత్యపరమైన ఉద్రిక్తతలు తీవ్రతరం అవుతున్నాయి. మధ్యప్రాచ్యంలో సైనిక కార్యకలాపాల కోసం స్పెయిన్ తన సైనిక స్థావరాలను అమెరికా ఉపయోగించడానికి అనుమతించిందని వైట్ హౌస్ ప్రకటించిన తర్వాత వివాదాలు మరింతగా ముదిరాయి. స్పెయిన్ తన విదేశీ విధానంలో ఎటువంటి మార్పు చేసేది లేదని.. యుద్ధ కార్యకలాపాల్లో పాల్గొననని స్పష్టంగా తెలిపింది.

స్పానిష్ విదేశాంగ మంత్రి జోస్ మాన్యుయెల్ అల్బారెస్ మాట్లాడుతూ.. ఇరాన్‌పై దాడికి స్పెయిన్ సైనిక స్థావరాలను ఉపయోగించడానికి అనుమతించలేదు. అలాంటి చర్యలు యుఎన్ చార్టర్‌లోకి రాకపోవడం వల్ల స్పెయిన్ యుద్ధాన్ని ప్రేరేపించదని పేర్కొన్నారు. స్పానిష్ రేడియో స్టేషన్‌కు ఇచ్చిన ఇంటర్వ్యూలో.. వైట్ హౌస్ వాదనలు అవాస్తవమని ఆయన పేర్కొన్నారు. మధ్యప్రాచ్యంలో జరిగే యుద్ధం, ఇరాన్‌పై సైనిక దాడులపై స్పెయిన్ వైఖరి అలాగే ఉందని.. అది ఏ మాత్రం మారలేదని స్పష్టత ఇచ్చారు.

ఈ ఘటన తర్వాత అమెరికా అధ్యక్షుడు డొనాల్డ్ ట్రంప్ స్పెయిన్‌ను హెచ్చరించారు. స్పెయిన్ సహకరించకపోతే.. వాణిజ్య సంబంధాలపై కఠిన చర్యలు తీసుకోగలమని ఆయన చెప్పారు. ఈ హెచ్చరిక రెండు దేశాల మధ్య వాక్చాతుర్యాన్ని మరింత పెంచింది. ఈ నేపథ్యంలో స్పానిష్ ప్రధాన మంత్రి పెడ్రో సాంచెజ్ మాట్లాడుతూ.. స్పెయిన్ ఏ హానికరమైన చర్యలోనూ పాల్గోనేదు. మేము అంతర్జాతీయ చట్టాలు, UN నిబంధనలకు కట్టుబడి ఉంటామని స్పష్టం చేశారు.

ఈ యుద్దం కోసం అమెరికా తన మిత్రదేశాల మద్దతును కోరుతుంది. కానీ అనేక యూరోపియన్ దేశాలు ప్రత్యక్ష సైనిక చర్యకు దూరంగా ఉండాలని కోరుకుంటున్నాయి. ఇరాన్‌పై అమెరికా సైనిక చర్యలకు స్పెయిన్ మద్దతు ఇవ్వకపోవడం వల్ల.. రెండు దేశాల మధ్య దౌత్య వివాదం మరింత తీవ్రతరం అయ్యింది.

ఈ నేపథ్యంలో స్పెయిన్-అమెరికా సంబంధాలు ఒక కష్టమయిన దశలో ఉన్నాయి. ట్రంప్ హెచ్చరికలు, వైట్ హౌస్ వాదనలు, స్పానిష్ నిరాకరణల మధ్య.. యూరోపియన్ దేశాల అవగాహన, అంతర్జాతీయ చట్టాలకు కట్టుబడి ఉండటం కీలకంగా ఉంది. మధ్యప్రాచ్య యుద్ధ పరిస్థితులు ఇంకా అస్థిరంగా ఉన్నందున, ప్రపంచవ్యాప్తంగా రాజకీయ, ఆర్థిక, సైనిక పరిణామాలు మరింత కఠినతరం కావచ్చని విశ్లేషకులు హెచ్చరిస్తున్నారు.

క్లుప్తంగా చెప్పాలంటే స్పెయిన్ వైఖరి, UN చట్టాల కట్టుబాటు, అమెరికా-యూరోపియన్ విభేదాలు ఈ దౌత్య వివాదానికి కేంద్రంలో ఉన్నాయి. ఈ ఉద్రిక్తతల పరిణామాలు అంతర్జాతీయ రాజకీయ వాతావరణాన్ని.. వాణిజ్య సంబంధాలను, అలాగే భౌగోళిక రాజకీయ వ్యూహాలను ప్రభావితం చేస్తాయని విశ్లేషకులు అంచనా వేస్తున్నారు.