గుడ్‌న్యూస్, అదరగొట్టిన టాటా మోటార్స్: కరోనా సోషల్ డిస్టెన్స్ కలిసొచ్చిందా?

అదరగొట్టిన టాటా మోటార్స్

టాటా మోటార్స్ ప్యాసింజర్ వెహికిల్ సేల్స్ 2019-20 ఆర్థిక సంవత్సరంలో రికార్డ్ కనిష్టాన్ని తాకాయి. ఈ ఆర్థిక సంవత్సరం ప్రారంభం నుండి కరోనా దెబ్బ పడింది. కానీ క్రమంగా పుంజుకుంటున్నాయి. టియాగో, నెక్సాన్ తయారీదారు అయినా టాటా మోటార్స్ ఆగస్ట్ సేల్స్ రెండేళ్ల గరిష్టాన్ని నమోదు చేశాయి. ప్యాసింజర్ సేల్స్ గత ఏడాది ఆగస్ట్ నెలలో 7,316 ఉండగా, ఈసారి 18,580కి పెరిగాయి. 154 శాతం వృద్ధిని నమోదు చేసింది. ఈ వాహనాలు మార్చి 2018లో 20,266 యూనిట్లతో రికార్డ్ సేల్స్ నమోదయ్యాయి.కమర్షియల్ వెహికిల్ సేల్స్‌లో మాత్రం 28 శాతం క్షీణతను నమోదు చేసింది. గత ఏడాది 24,850 యూనిట్లు కాగా, ఈసారి 17,889కు పరిమితమయ్యాయి.

హారియర్, నెక్సాన్ సేల్స్ పెరిగాయి

గత కొద్ది నెలలుగా అంతగా లేని బిజినెస్ ఇప్పుడు క్రమంగా కోలుకుంటుందని టాటా మోటార్స్ పీవీ బిజినెస్ ప్రెసిడెంట్ శైలేష్ చంద్ర అన్నారు. అన్ని మోడల్స్ పరంగా వృద్ధిని సాధించినట్లు తెలిపారు. జనవరిలో ప్రారంభించిన అన్ని మోడల్స్ ఆకట్టుకుంటున్నాయన్నారు. నెక్సాన్, టియాగో, హారియర్, టైగోర్‌లకు తోడు ఆల్ట్రోజ్‌ను జత చేసినట్లు తెలిపారు. హారియర్, నెక్సాన్ సేల్స్ వరుసగా 40 శాతం, 43 శాతం వృద్ధిని నమోదు చేశాయి.

అందుకే సేల్స్ పెరిగాయా?

కరోనా మహమ్మారి కారణంగా అందరూ జాగ్రత్తలు తీసుకుంటున్నారు. కరోనా వ్యాప్తిని నిరోధించేందుకు ప్రధానంగా సామాజిక దూరం పాటిస్తున్నారు. ఈ కారణంగా ప్రస్తుతం ఆటో సేల్స్ పెరుగుతుండవచ్చునని చెబుతున్నారు. గత ఏడాది మందగమనం కారణంగా సేల్స్ పడిపోయాయి. కానీ అప్పటి కంటే ఈ కరోనా సమయంలో పెరగడం గమనారం. ఇందుకు సోషల్ డిస్టెన్స్ అంశం కూడా ముఖ్యమేనని అంటున్నారు. ఇతర కంపెనీల వాహన విక్రయాలు కూడా ఆగస్ట్ నెలలో పెరిగాయి. క్రమంగా రికవరీ ప్రారంభం కావడంతో సోషల్ డిస్టెన్స్‌కు ప్రాధాన్యత ఇస్తున్నారని అంటున్నారు. ఆటో రంగం నిపుణులు కూడా గతంలోనే ఇలాంటి అభిప్రాయాలు వ్యక్తం చేశారు. సోషల్ డిస్టెన్స్ నేపథ్యంలో వాహన విక్రయాలు కొంతకాలం పెరుగుతాయని భావించారు.