అక్కడ వర్కింగ్ హవర్స్ వారంలో 4 రోజులు, 6 గం.: 'మోడీగారూ! సనామారిన్‌లా చేయండి'

వారంలో 4 రోజులు సెలవులు, రోజుకు 6 గంటలు వర్కింగ్

వారానికి ఒక రోజు సెలవు ఉన్నా లేదా రెండు రోజులు సెలవులు ఉన్నా (అంటే 5 రోజులు లేదా 6 రోజులు వర్కింగ్ డేస్) ప్రతి రోజు 8 గంటల నుంచి తొమ్మిది గంటలు పని చేయాల్సి ఉంటుంది. కానీ ఫిన్‌లాండ్ దేశం మాత్రం మూడు రోజులు సెలవు దినాలు ఉండాలని చెబుతోంది. అంతేకాదు, వర్కింగ్ డేస్ ఉన్న 4 రోజులు కూడా ప్రతి రోజు 6 గంటలు మాత్రమే పని చేయాల్సి ఉంటుంది.

అందుకే ఈ ప్రతిపాదన

ప్రపంచంలోనే అతి చిన్న వయస్సులో ప్రధానిగా బాధ్యతలు చేపట్టిన వ్యక్తిగా ఇటీవలే సనా మారిన్ (34) రికార్డ్ సృష్టించారు. ఫిన్‌లాండ్ ప్రజలు తమ కుటుంబ సభ్యులతో ఎక్కువ సమయం కేటాయించేలా, తమకు ఉన్న హాబీ మేరకు ఎక్కువగా నడుచుకునేలా ఆమె ఈ ప్రతిపాదన చేశారు.

అంతకుముందు ప్రయోగం చేసి.. సక్సెస్

ప్రజలు తాము ఎంతగానో ప్రేమించే కుటుంబ సభ్యులు, బంధుమిత్రుల కోసం సమయం కేటాయించేందుకు అర్హులని, మన ఉద్యోగ జీవితంలో ఇది మరో ముందడుగు కావాలని సనా మారిన్ పేర్కొన్నారు. ఇందులో భాగంగా వారంలో 4 రోజులు, 6 గంటల వర్కింగ్ హవర్స్ ప్రతిపాదించారు. అమె అంతకుముందు ట్రాన్సుపోర్ట్ మినిస్టర్‌గా పని చేశారు. ఆ సమయంలో తన శాఖ ఉద్యోగులపై ఈ ప్రయోగం చేశారు. దీంతో ఉద్యోగులు ఉత్సాహంగా పని చేయడంతో పాటు ప్రోడక్టివిటీ పెరిగింది. ఇదే విషయాన్ని ఆమె చెప్పారు.

ఫిన్‌లాండ్ కంటే ముందు స్వీడన్

ప్రస్తుతం ఫిన్‌లాండ్‌లో 5 రోజులు, 8 గంటల వర్కింగ్ హవర్స్ ఉన్నాయి. కాగా అంతకుముందు 2015లో స్వీడన్ 6 గంటల వర్కింగ్ హవర్స్‌ను తీసుకు వచ్చింది. దీని వల్ల మంచి ఫలితాలు వస్తున్నాయని చెబుతున్నారు.

ఫిన్‌లాండ్ పౌరసత్వం ఇవ్వండి.. మోడీ గారూ.. అలా చేయండి

కాగా, ఫిన్‌లాండ్‌లో వారానికి 4 రోజులు, 6 గంటల వర్కింగ్ హవర్స్ పైన ఇండియాలోని నెటిజన్లు చాలామంది తమదైన స్టైల్‌లో స్పందించారు. కొంతమంది నెటిజన్లు సరదాగా ప్రధాని సనా మారిన్‌ను ఫిన్‌లాండ్ సిటిజన్‌షిప్ కోరారు. ఫిన్‌లాండ్ పౌరసత్వం ఎలా తీసుకోగలమని, నేను ఫిన్‌లాండ్ వెళ్తున్నానని ట్వీట్ చేశారు. మరికొంతమంది ప్రధాని నరేంద్ర మోడీ ఇలాంటి చట్టాన్ని అమలు చేయాలని విజ్ఞప్తి చేశారు.