4G ఎల్టీఈ కనెక్టివిటీ, జియో ఆండ్రాయిడ్ ఓఎస్‌తో జియోబుక్ ల్యాప్‌టాప్

జియో ల్యాప్‌టాప్‌లో ఇవి..

ల్యాప్‌టాప్ తయారీ ఖర్చులను తగ్గించేందుకు క్వాల్‌కామ్ స్నాప్ డ్రాగన్ 665 ప్రాసెసర్‌ను జియో ఉపయోగిస్తోందని వార్తలు వస్తున్నాయి. 11 నానో మీటర్ టెక్నాలజీతో పనిచేస్తుంది. ఇప్పటికే వివిధ మొబైల్ ఫోన్లలో ఈ చిప్ వినియోగిస్తున్నారు. ఇన్‌బిల్ట్ 4H LTE మోడెమ్ కనెక్టివిటీ ఉంటుంది. ఇందులో వీడియో కోసం మినీ HDMI, 5 GHz వైఫై సపోర్ట్, బ్లూటూత్, 3 యాక్సిస్ యాక్సెలేరోమీటర్, క్వాల్‌కామ్ ఆడియో చిప్స్ వినియోగిస్తున్నారు.

మొబైల్ నుండి ల్యాప్‌టాప్ వైపు

ఈ ల్యాప్‌టాప్ జియో స్టోర్, జియో మీట్, జియో పేజెస్, జియో యాడ్ సర్వీసులను ముందుగానే లోడ్ చేసి ఉంచుతారని సమాచారం. ఈ ల్యాప్ ధరకు సంబంధించి మరింత సమాచారం రావాల్సి ఉంది. మొబైల్ ఫోన్స్‌ను తక్కువ ధరకే అందిస్తోన్న జియో ఇప్పుడు ల్యాప్‌టాప్స్‌ను కూడా తక్కువ ధరలో తీసుకు వస్తుంది.

సెల్యులార్ కనెక్షన్

ఈ జియో ల్యాప్‌టాప్ సెల్యూలార్ కనెక్షన్‌తో పని చేసే ల్యాప్‌టాప్స్ తయారీ పైనే జియో ఆసక్తి చూపిస్తోందని అమెరికా క్వాల్‌కామ్ టెక్నాలజీస్ సీనియర్ ప్రోడక్ట్ డైరెక్టర్ మిగ్యుల్ న్యూన్స్ మూడెళ్ల క్రితం తెలిపారు. మూడేళ్ల తర్వాత ఇప్పుడు ఈ అంశం మళ్లీ వెలుగు చూసింది. సాధారణ ల్యాప్‌టాప్స్ మాదిరి విండోస్ 10 ఆపరేటింగ్ సిస్టంతో కాకుండా గూగుల్ ఆండ్రాయిడ్ OSతో ఇవి పని చేస్తాయి. ఆండ్రాయిడ్ OSలో కొన్ని మార్పులు చేసి ఈ ల్యాప్‌టాప్స్ ఉపయోగిస్తారు. దీనిని జియో ఓఎస్ అంటారు.