ఈ-అసెస్‌మెంట్, 44,285 మందికి ఆదాయపు పన్ను శాఖ నోటీసులు: ఏమిటిది, ప్రయోజనలేమిటి?

44వేల మందికి నోటీసులు

గుర్తించిన 58,322 కేసులకు గాను 44,285 కేసుల్లో ఆదాయపు పన్ను శాఖ నోటీసులు జారీ చేసింది. ముఖ్యంగా పన్ను చెల్లింపుదారులకు అధికారుల నుంచి వేధింపులు తప్పించేందుకు ఈ స్కీంను తీసుకు వచ్చారు. పన్ను రిటర్న్స్ పరిశీలనల్లో వ్యక్తుల జోక్యాన్ని తగ్గించేందుకు, అవినీతిని నివారించేందుకు దీనిని ప్రవేశపెట్టారు. టెక్నాలజీని ఉపయోగించుకొని మానవ జోక్యాన్ని తగ్గించి భారత్‌ను సరికొత్త శిఖరాలకు చేర్చినట్లు ఐటీ శాఖ తెలిపింది.

ఏమిటీ ఈ-అసెస్‌మెంట్

పన్ను చెల్లింపుదారులకు జారీ చేసిన నోటీసుకు ప్రత్యుత్తరం ఇచ్చే ఈ-అసెస్‌మెంట్ స్కీం కింద ఎవరైనా వ్యక్తి లేదా పన్నుచెల్లింపుదారు వ్యక్తిగతంగా లేదా అధికార ప్రతినిధి ద్వారా ఇన్‌కం ట్యాక్స్ అథారిటీ ముందు ప్రత్యక్షంగా హాజరు కావాల్సిన అవసరం లేదు.

ఈ-అసెస్‌మెంట్ ప్రయోజనాలు

- సెంట్రలైజ్డ్ ఈ-అసెస్‌మెంట్ సెంటర్ నుంచి పన్ను చెల్లింపుదారులకు అందే నోటీసులకు డిజిటల్ విధానాలలోనే సమాధానాలు ఇవ్వాలి.

- పన్ను చెల్లింపుదారులను టెక్స్ట్ సందేశాల రూపంలో అప్రమత్తం చేస్తారు.

- పన్ను చెల్లింపుదారులు తమ సమాధానాలను ఈ మెయిల్ రూపంలో పంపించవచ్చు.

- వ్యక్తులు, అధికారుల జోక్యం తగ్గిపోతుంది. ఆఫీస్‌ల చుట్టూ తిరిగే పరిస్థితి తగ్గుతుంది.

ఆటోమేటిక్ విధానం

- కేసులను దేశంలోని వివిధ ప్రాంతాల్లోని 8 ఈ-అసెస్‌మెంట్ కేంద్రాలకు పంపిస్తారు. ఆటోమేటిక్ విధానంలో జరుగుతుంది. తద్వారా పారదర్శకత ఉంటుంది.

- ఈ పథకం కింద జాతీయ ఈ-అసెస్‌మెంట్ సెంటర్ ఆదాయపు పన్ను శాఖ కింద ప్రాంతీయ ఈ-అసెస్‌మెంట్ సెంటర్లు ఉంటాయి.