జపాన్ ఆర్థిక, టెక్నికల్ సహకారంతో...

ఈ ప్రాజెక్టుకు జపాన్ ప్రభుత్వం ఆర్థికంగా, టెక్నికల్‌గా సహకారం అందిస్తోందని పీయూష్ గోయల్ తెలిపారు. ఈ ప్రాజెక్టు అంచనా వ్యయం రూ.1,08,000 కోట్లు అన్నారు. ఇందులో రూ.3226.8 కోట్లను ఈ ఏడాది జూన్ వరకు ఖర్చు చేసినట్లు తెలిపారు. దేశవ్యాప్తంగా ఇలాంటి ప్రాజెక్టుల విస్తరణపై గోయల్ మాట్లాడుతూ.. వీటికి పెద్ద ఎత్తున నిధులు కావాలని, అదే విధంగా భారీ స్థాయిలో సాంకేతిక పరిజ్ఞానం కావాలన్నారు. ఇందుకు అనువైన పరిస్థితులు ఏర్పడితే మిగతా చోట్ల ఈ ప్రాజెక్టులు చేపడతామన్నారు.

జపాన్ ప్రధాని అడ్వైజర్‌తో గోయల్ భేటీ

ఇదిలా ఉండగా, జపాన్ ప్రధాని షింజో అబే స్పెషల్ అడ్వైజర్ హీరోటో ఇజుమిని పీయూష్ గోయల్ కలిశారు. వీరి మధ్య ముంబై - అహ్మదాబాద్ బుల్లెట్ రైలు విషయమై చర్చ జరిగింది. ఈ మేరకు ఇండియన్ రైల్వే అధికారులు వీరు భేటీ అయి, హైస్పీడ్ రైలుపై చర్చించారని చెప్పారు.

ఏడు గంటల నుంచి రెండు గంటలకు...

ఈ ప్రాజెక్టు కోసం NHSRCL గత నెల వరకు 1,380 హెక్టార్ల భూమిని స్వాధీనం చేసుకుంది. అంటే 39 శాతం ల్యాండ్‌ను అక్వైర్ చేసుకుంది. ఈ బుల్లెట్ రైలు గంటకు 320 కిలో మీటర్ల దూరం ప్రయాణిస్తుందని అంచనా. ముంబై - అహ్మదాబాద్ మధ్య ఉన్న 508 కిలో మీటర్ల దూరాన్ని ఇది రెండు గంటల్లోపు చేరుకుంటుంది. ప్రస్తుతం ఈ రూట్లో రైళ్లు అయితే ఏడు గంటలు, విమానాలు అయితే ఒక గంట సమయం తీసుకుంటున్నాయి. ప్రధాని నరేంద్ర మోడీ, జపాన్ ప్రధాని షింజో అబే సెప్టెంబర్ 14, 2017లో రూ.1.08 లక్షల కోట్ల ప్రాజెక్టుకు పునాదిరాయి వేశారు.