జీఎస్పీ వల్ల

GSP వల్ల ఇతర దేశాలకు చెందిన ఉత్పత్తులు ఎలాంటి పన్నులు లేకుండా ఎగుమతి చేసే సౌకర్యం ఉంది. అయితే అమెరికా ఉత్పత్తులకు భారత్ సరైన మార్కెట్ కల్పించడం లేదని చెబుతూ ట్రంప్ జీఎస్పీని రద్దు చేశారు. అమెరికా ఉత్పత్తులకు సరైన మార్కెట్‌ను ఇస్తామనే భరోసాను భారత్ కల్పించలేదని, ఈ కారణంగా జీఎస్పీని రద్దు చేస్తున్నామని అమెరికా ప్రకటించింది. మార్చి 4వ తేదీనే అమెరికా ఈ ప్రకటన చేసింది. అరవై రోజుల గడువుతో నోటీసు ఇచ్చింది. ఆ గడువు మే 3వ తేదీన ముగియడంతో, 5వ తేదీ నుంచి అమలులోకి వస్తుందని వెల్లడించింది.

అమెరికా ఆరోపణ

అమెరికా కాంగ్రెస్ నిర్ధారించిన ప్రామాణికాలు పాటిస్తే భారత్ తన ఉత్పత్తులను పన్నులు లేకుండా ఎక్స్‌పోర్ట్ చేయవచ్చునని, అందులో అమెరికాకు చెందిన వస్తువులను భారత మార్కెట్లో అందుబాటులో ఉంచాలని, దీనిపై ఎన్నోసార్లు చర్చలు జరిగాయని, కానీ అమలు కాలేదని అమెరికా తెలిపింది. అమెరికా నిర్ణయంతో 1,900 వస్తువులపై ఎగుమతి ప్రభావం పడనుంది. డెయిరీ, మెడికల్ వంటి అమెరికా పరికరాలపై అభ్యంతరాలు వ్యక్తమవుతున్నాయి.

భారత్ స్పందన

GSPని అమెరికా రద్దు చేయడంపై భారత్‌ తీవ్రంగా స్పందించింది. ట్రంప్ ప్రభుత్వ నిర్ణయంతో ఇరు దేశాల వాణిజ్య సంబంధాలపై ఎలాంటి ప్రతికూల ప్రభావం ఉండదని వాణిజ్య, పరిశ్రమల మంత్రిత్వ శాఖ పేర్కొంది. అమెరికా పంపిన పలు అభ్యర్థనలపై భారత్ కొన్ని తీర్మానాలు చేశామని, కానీ వాటిని అమెరికా అంగీకరీంచకపోవడం బాధాకరమని తెలిపింది. ఇతర దేశాల వలే భారత్ కూడా తమ ప్రయోజనాలకు తొలి ప్రాధాన్యతం ఇస్తుందని పేర్కొనంది. హోదా రద్దును తాము ఓ సాధారణ ప్రక్రియగా భావిస్తున్నామని, అమెరికాతో బంధాన్ని మరింత బలోపేతం చేసుకోవడానికి కృషి జరుగుతుందని పేర్కొంది.