రైలు బయలుదేరడానికి 4 గంటల ముందు

1. రైలు బయలుదేరడానికి నాలుగు గంటల ముందు ఆన్‌లైన్‌లో కన్‌ఫర్మ్ అయిన టిక్కెట్‌ను క్యాన్సిల్ చేయకపోయినా, టీడీఆర్ ఫైల్ చేయకపోయినా రిఫండ్ ఉండదు. 2. ఆర్ఏసీ (రిజర్వేషన్ ఎగైనెస్ట్ క్యాన్సిలేషన్) లేదా వెయిట్‌లిస్ట్ టిక్కెట్స్ క్యాన్సిల్‌ను ట్రైన్ డిపార్చర్ షెడ్యూల్ కంటే 30 నిమిషాల ముందు రద్దు చేసుకోవాలి. లేదంటే డబ్బు రీఫండ్ కాదు. 3. కాంటిగ్నెంట్ క్యాన్సిలేషన్ లేదా వెయిట్ లిస్టెడ్ తత్కాల్ టిక్కెట్ క్యాన్సిలేషన్ విషయంలో రైల్వే నిబంధనల ప్రకారం క్యాన్సిలేషన్ ఛార్జీలు వసూలు చేస్తారు. పూర్తి మొత్తం డబ్బు వెనక్కి రాదు.

రైలు డిపార్చర్‌కు 30 నిమిషాల ముందు

4. రైలు డిపార్చర్‌కు 30 నిమిషాల ముందు ఆర్ఏసీ ఈ టిక్కెట్స్ క్యాన్సిల్ చేసుకోకపోయినా లేదా టీడీఆర్ ఆన్‌లైన్‌లో ఫైల్ చేయకపోయినా రీఫండ్ కాదు. 5. ఒకవేళ రైలు మూడు గంటలు ఆలస్యంగా నడిస్తే, అప్పుడు ప్రయాణీకులు ప్రయాణం చేయవద్దనుకున్నప్పటికీ రీఫండ్ కాదు. 6. రైలు మూడు గంటలు ఆలస్యంగా నడిచిన సమయంలో రైలు బయలుదేరిన తర్వాత ఆన్‌లైన్‌లో క్యాన్సిల్ రిక్వెస్ట్ పెట్టినా ఎలాంటి ఫలితం ఉండదు.

ఇలాంటి సందర్భంలోను

7. చార్ట్ ప్రిపేర్ అయిన తర్వాత ఆర్ఏసీ టిక్కెట్ వచ్చింది. అలాంటి సమయంలో ప్రయాణం రద్దు చేసుకుంటే రీఫండ్ రాదు. 8. ఐ-టిక్కెట్స్ పోయినా లేదా మిస్ ప్లేస్ అయినా రీఫండ్ రాదు. ఇక్కడ మరో విషయం, టిక్కెట్ పోయినా, చిరిగిపోయినా, ముక్కలైనా ప్రయాణీకుడికి డూప్లికేట్ టిక్కెట్ ఇస్తారు. రిజర్వ్‌డ్ అకామిడేషన్‌లో ప్రయాణించవచ్చు. 9. పార్షియల్‌గా కన్‌ఫర్మ్ అయిన ఈ-టిక్కెట్స్ ద్వారా ప్రయాణీకులు ట్రావెల్ చేయని సందర్భంలో. 10. ప్రీమియం స్పెషల్ రైళ్లలో సీఎన్ఎఫ్/ఆర్ఏసీ టిక్కెట్ల రద్దుకు అవకాశముండదు. కాబట్టి డబబులు వెనక్కి రావు.