నిరవ్ మోడీ కి సంబందించిన ఆభరణాలు సీజ్?

వజ్రాభరణాల వ్యాపారులు నీరవ్‌ మోదీకి సంబంధించిన నివాసాల్లో ఎన్‌ఫోర్స్‌మెంట్‌, సీబీఐ సోదాలు నిర్వహిస్తున్నాయి. గత మూడు రోజులుగా జరిపిన సోదాల్లో రూ.26 కోట్ల విలువైన ఆస్తులు బయటపడ్డాయి.

వీటిల్లో పురాతన నగలు కూడా ఉన్నాయి. వీటివిలువ దాదాపు రూ.15 కోట్ల పైమాటే. వీటితోపాటు రూ.1.4 కోట్ల విలువైన డైమండ్‌ వాచ్‌‌తోపాటు... రూ.10 కోట్ల విలువైన ఒక డైమండ్‌ రింగ్‌ కూడా లభ్యమైంది. ఎంఎఫ్‌ హుస్సేన్‌, అమ్రితా షేర్‌-గిల్‌, కెకె హెబ్బార్‌ వంటి ప్రముఖ చిత్రకారులు గీచిన దాదాపు రూ.10 కోట్ల విలువైన పెయింటింగ్స్‌ను కూడా అధికారులు స్వాధీనం చేసుకున్నారు.

తాజాగా జరుగుతున్న సోదాలతో... ఇప్పటి వరకు నీరవ్‌ మోదీ నివాసాలు, వ్యాపార సంస్థల నుంచి స్వాధీనం చేసుకున్న ఆస్తుల విలువ రూ.7,664 కోట్లకు చేరింది.

వజ్రాల వ్యాపారులు.. నీరవ్‌ మోదీ, మెహుల్‌ చోక్సీ పంజాబ్‌ నేషనల్‌ బ్యాంక్‌కు రూ.13,000 కోట్లు ఎగనామం పెట్టిన సంగతి తెలిసిందే. ప్రస్తుతం వీరిద్దరూ... విదేశాల్లో ఉంటున్నారు. వీరిని భారత్‌ రప్పించేందుకు... ఎన్‌ఫోర్స్‌మెంట్‌, సీబీఐ సంస్థలు ఇంటర్‌పోల్‌ సహాయాన్ని కోరాయి.