2015‍‍‍-16లో భార‌త్‌లో 10 ఉత్త‌మ బ్రాండ్లు

టాటా గ్రూప్

టాటా గ్రూప్ విలువ‌లో గ‌తేడాది కంటే 11 శాతం త‌గ్గుద‌ల ఉన్న‌ప్ప‌టికీ ఈ గ్రూప్ నంబ‌ర్ వ‌న్ స్థానాన్ని ద‌క్కించుకుంది. ఉక్కు ప‌రిశ్ర‌మ‌లో ఒడిదుడుకులు, యూకేలో టాటాకు ఉన్న వ్యాపారాల‌పై వ‌చ్చిన వార్త‌ల మూలంగా విలువ త‌గ్గి ఉండొచ్చు. అయితే గ‌తేడాది దీనికి AA రేటింగ్ ల‌భించ‌గా ఈ ఏడాది AA+ వ‌చ్చింది.

కంపెనీ బ్రాండ్ విలు గ‌తేడాది ఉన్న 15.3 బిలియ‌న్ డాల‌ర్ల నుంచి 13.7 బిలియ‌న్ డాల‌ర్ల‌కు త‌గ్గింది.

ఎల్ఐసీ

2015-16 ఏడాదికి ఎల్ఐసీ రెండో స్థానంలో నిలిచింది. ఎల్ఐసీ బ్రాండు విలువ గ‌తేడాది 4.1 బిలియ‌న్ డాల‌ర్లుండ‌గా ఈ సంవ‌త్స‌రం 6.6 బిలియ‌న్ డాల‌ర్ల‌కు పెరిగింది. కంపెనీ రేటింగ్ గ‌తేడాది ఉన్న AA+ నుంచి AAకి చేరింది.

ఎయిర్‌టెల్

ఎయిర్‌టెల్ కంపెనీకి బ్రాండ్ ఫైనాన్స్ మూడో స్థానాన్నిచ్చింది. ఈ కంపెనీ విలును 5.7 బిలియ‌న్ డాల‌ర్లుగా లెక్క‌గ‌ట్టింది. గ‌తేడాది కంపెనీ విలువ 4.5 బిలియ‌న్ డాల‌ర్లుగా ఉంది. కంపెనీ రేటింగ్ AA+ నుంచి AAA- కి మారి మెరుగుప‌డింది.

స్టేట్ బ్యాంక్ ఆఫ్ ఇండియా

స్టేట్ బ్యాంక్ ఆఫ్ ఇండియా దేశంలోనే అతిపెద్ద ప్ర‌భుత్వ రంగ బ్యాంకు. గ‌తేడాది ఉన్న 2 వ స్థానం నుంచి దిగ‌జారి 4 వ స్థానం ద‌క్కించుకుంది. కంపెనీ బ్రాండు విలువ గ‌తేడాది ఉన్న 6.5 బిలియ‌న్ డాల‌ర్ల నుంచి త‌గ్గి 5.7 బిలియ‌న్ డాల‌ర్ల‌కు చేరింది. కంపెనీ రేటింగ్ AA+ వ‌ద్ద అలానే ఉంది. ఇది కాస్త ఊర‌టనిచ్చే విష‌యం

ఇన్ఫోసిస్‌

బ్రాండ్ విలువ‌లో ఇన్ఫోసిస్ 9వ స్థానం నుంచి ఎగ‌బాకి 5 వ స్థానం ద‌క్కించుకుంది. కంపెనీ విలువ 3.4 బిలియ‌న్ డాల‌ర్ల నుంచి మెరుగుప‌డి 4.7 బిలియ‌న్ డాల‌ర్లుగా ఉంది. రేటింగ్ కూడా AA నుంచి AA+కి పెరిగింది

రిల‌య‌న్స్ ఇండ‌స్ట్రీస్‌

రిల‌య‌న్స్ ఇండ‌స్ట్రీస్ బ్రాండు విలువ 3.6 బిలియ‌న్ డాల‌ర్ల నుంచి స్వ‌ల్పంగా తగ్గి 3.5 బిలియ‌న్ డాల‌ర్ల‌కు చేరింది. కంపెనీ రేటింగ్ AA+ వ‌ద్ద అలానే ఉంది. కంపెనీ స్థానం గ‌తేడాది ఉన్న 5 వ స్థానం నుంచి ఒక్క మెట్టు త‌గ్గి 6కు చేరింది.

ఓఎన్‌జీసీ

ప్ర‌భుత్వ రంగ వ్యాపార సంస్థ‌ల్లో విదేశాల్లో త‌గిన ప్రాతినిధ్యం క‌లిగిన వాటిలో ఓఎన్‌జీసీ ఒక‌టి. దీని ప్ర‌ధాన కార్యాల‌యం ఉత్త‌రాఖండ్ రాష్ట్రంలోని డెహ్రాడూన్‌లో ఉంది.

కంపెనీ ర్యాంక్ 10 వ స్థానం నుంచి బాగా బ‌ల‌ప‌డి 7వ స్థానానికి చేరింది. బ్రాండ్ విలువ సైతం గ‌తేడాది ఉన్న 2.8 బిలియ‌న్ డాల‌ర్ల నుంచి మెరుగుప‌డి 3.4 బిలియ‌న్ డాల‌ర్ల‌కు చేరింది. రేటింగ్ సైతం AA నుంచి AA+కి పెరిగింది.

ఎల్ అండ్ టీ

నిర్మాణ రంగంలో ప్ర‌పంచ స్థాయి ప్ర‌మాణాల‌ను పాటిస్తున్న సంస్థ ఇది. ఎల్ అండ్ టీ గ‌తేడాదిలాగే 8వ స్థానంలో ఉంది. కంపెనీ విలువ 3.3 బిలియ‌న్ డాల‌ర్లుగా ఉంది. రేటింగ్ AA నుంచి AA+కి పెరిగింది.

ఇండియ‌న్ ఆయిల్‌

ప్ర‌భుత్వ రంగ చ‌మురు, స‌హ‌జ వాయు నిర్వ‌హ‌ణ సంస్థ ఇండియ‌న్ ఆయిల్ కార్పొరేష‌న్‌(ఐవోసీఎల్‌). కంపెనీ గ‌తేడాది ర్యాంకును నిల‌బెట్టుకోలేక 9 వ స్థానానికి ప‌డిపోయింది. కంపెనీ బ్రాండ్ విలువ 3.2 బిలియ‌న్ డాల‌ర్ల నుంచి 3.3 బిలియ‌న్ డాల‌ర్ల‌కు పెరిగింది.

హెచ్‌సీఎల్ టెక్నాల‌జీస్‌

హెచీసీఎల్ టెక్నాల‌జీస్ సైతం గ‌తేడాది ఉన్న 9 వ స్థానం నుంచి 10 వ స్థానానికి ప‌డిపోయింది. కంపెనీ విలువ 3.2 బిలియ‌న్ డాల‌ర్లుగా ఉండ‌గా రేటింగ్ AA+. గతేడాది ఈ సంస్థ విలువ 3.1 బిలియ‌న్ డాల‌ర్లుగా రేటింగ్ AA న‌మోద‌య్యాయి.