ఇల్లు కొనుగోలుకు ఇదే సమయం, ట్యాక్స్ బెనిఫిట్స్ ఎన్నో

ఆఫర్లే ఆఫర్లు

ఇప్పటికే కరోనా కారణంగా ఆర్బీఐ వడ్డీ రేట్లను తగ్గించింది. బ్యాంకులు అందుకు అనుగుణంగా హోంలోన్ రేట్లలో కస్టమర్లకు ఊరటనిచ్చాయి. మహారాష్ట్ర, కర్నాటక వంటి రాష్ట్రాలు స్టాంప్ డ్యూటీని తగ్గించాయి. పన్ను మినహాయింపులు కూడా లభిస్తాయి. తాజా బడ్జెట్‌లో కేంద్రం అఫర్డబుల్ హౌసింగ్ విభాగానికి ట్యాక్స్ హాలీడేస్‌ను పొడిగిస్తూ నిర్ణయం తీసుకుంది. అంతేకాకుండా రూ.1.5 లక్షల అదనపు వడ్డీ రాయితీ ప్రయోజనాన్ని కూడా పొడిగించింది. 2022 మార్చి వరకు ఇది అందుబాటులో ఉంటుంది. లోన్ తీసుకొని కొత్త ఇంటిని కొనుగోలు చేస్తే రుణ వడ్డీ మొత్తంపై రూ.1.5 లక్షల వరకు తగ్గింపు ప్రయోజనం ఉంది.

ఈఎంఐ భారం తగ్గుతుంది

సాధారణంగా మీరు తీసుకునే మొత్తం రుణం, వడ్డీని కలిపి ఈఎంఐలుగా విభజిస్తారు. హోంలోనే వడ్డీ రేటు వంటి వివిధ అంశాలు తోడు కావడంతో ఈఎంఐ భారం కూడా తగ్గుతుంది. కేంద్ర ప్రభుత్వం తీసుకుంటున్న నిర్ణయాలు రియాల్టీ రంగానికి ఊతమిస్తుందని, ఈ ఏడాది డిమాండ్ మరింత పెరుగుతుందని ఈ రంగంలోని వారు ఆశాభావం వ్యక్తం చేస్తున్నారు.

ధరలపై ప్రభావం

ఈ బడ్జెట్‌లో ఏసీలు, రిఫ్రిజిరేటర్లలో వినియోగించే కంప్రెషర్, ఎల్ఈడీ బల్బులు, ప్రింటెడ్ సర్క్యూడ్ బోర్డులు, ముడి సిల్క్, నూలు ధరలు పెరిగే అవకాశాలు ఉన్నాయి. దిగుమతి సుంకం పెరగడం వల్ల వీటి ధరలు పెరుగుతున్నాయి. సోలార్ ఇన్వర్టర్లు, వాహనాల్లో వినియోగించే కొన్ని విడిభాగాలు, మొబైల్ ఫోన్ల కవర్లు, చార్జర్లు, కనెక్టర్లు వంటి ధరలు పెరగనున్నాయి. అదే సమయంలో ఇనుము, స్టీల్ తుక్కు ధరలు తగ్గనున్నాయి. బంగారం, వెండి ధరలు కూడా తగ్గుతున్నాయి.