రంగంలోకి ఆర్థిక శాఖ, శాశ్వత బాండ్స్ వ్యాల్యుయేషన్ ప్రమాణాలు సులభతరం

కొత్త నిబంధనలు

దీంతో ఏప్రిల్ 1, 2023 నుండి ఏటీ-1 బాండ్స్ కాలపరిమితి వంద సంవత్సరాలుగా ఉండనుంది. బేస్-III టైర్ 2 బాండ్స్ కాలపరిమితిని మార్చి 2022 వరకు పదేళ్లుగా పరిగణిస్తారు. ఆ తర్వాత ఒప్పందంలో పేర్కొన్న కాలపరిమితి కొనసాగుతుంది. ఏటీ-1 బాండ్స్ వ్యాల్యుయేషన్‌కు సంబంధించి కొత్త నిబంధనలను సెబి మార్చి 10న విడుదల చేసింది. ఇవి ఏప్రిల్ 1 నుండి అమల్లోకి రావాలి.

మ్యూచువల్ ఫండ్స్ అభ్యంతరం

వంద ఏళ్ల నిబంధనపై మ్యూచువల్ ఫండ్స్ సంస్థలు అభ్యంతరం వ్యక్తం చేశాయి. పర్పెచ్యువల్ బాండ్స్ రీవ్యాల్యుయేషన్ వల్ల తీవ్ర నష్టాలు వాటిల్లుతాయని ఆందోళన చేశాయి. ఈ మేరకు మ్యూచువల్ ఫండ్ సమాఖ్య సెబిని సంప్రదించింది.

రంగంలోకి ఆర్థిక శాఖ

ఆ తర్వాత ఇది వివాదంగా మారింది. దీంతో కేంద్ర ఆర్థిక శాఖ రంగంలోకి దిగి పర్పెచ్యువల్ బాండ్స్ వ్యాల్యుయేషన్ కోసం జారీ చేసిన వందేళ్ల నియమాన్ని ఉపసంహరించుకోవాలని సెబిని ఆదేశించింది. వ్యాల్యుయేషన్ కోసం చేర్చిన ఆ నియమం తీవ్ర విఘాతం కలిగించేలా ఉందని లేఖలో పేర్కొంది.