HDFC బ్యాంకు మినిమం బ్యాలెన్స్: రూ.600 వరకు... ఎక్కడ ఎంత పెనాల్టీ అంటే?

ప్రయివేటురంగ దిగ్గజం HDFC బ్యాంకు సేవింగ్స్ అకౌంట్ కస్టమర్లు తమ అకౌంట్లో మినిమం బ్యాలెన్స్ ఉండేలా చూసుకోవాలి. బ్యాంకు నిర్దేశించిన సగటు నెలసరి బ్యాలెన్స్ (AMB-యావరేజ్ మంత్లీ బ్యాలెన్స్) లేకుంటే పెనాల్టీ చెల్లించాల్సి వస్తుంది. మెట్రో నగరాలు, పట్టణాలు... ఇలా వివిధ ప్రాంతాల్లో బ్యాంకులో మినిమం బ్యాలెన్స్ రూల్స్ వివిధ రకాలుగా ఉన్నాయి. ఆ మేరకు బ్యాంకు అకౌంట్లో డబ్బులు లేకుంటే ఛార్జీలు వసూలు చేస్తారు.

ఎక్కడ ఎంత మినిమం బ్యాలెన్స్ ఉండాలంటే?

మెట్రో నగరాలు, పట్టణ ప్రాంతాల్లోని హెచ్‌డీఎఫ్‌సీ బ్యాంక్ శాఖల్లో రెగ్యులర్ సేవింగ్స్ అకౌంట్ హోల్డర్స్ ఖాతాలో సగటున రూ.10,000 ఉండాలి. లేదంటే పెనాల్టీ ఉంటుంది. సెమీ అర్బన్ శాఖలలో హెచ్‌డీఎఫ్‌సీ బ్యాంకుల్లో కస్టమర్లు తమ అకౌంట్లో రూ.5,000 ఉండేలా చూసుకోవాలి. రూరల్ బ్రాంచీల్లో నెలకు రూ.2,5000 ఉండాలి.

FD కలిగినా పెనాల్టీ నుంచి తప్పించుకోవచ్చు

పెనాల్టీ తప్పించుకోవడానికి మరో మార్గం కూడా ఉంది. హెచ్‌డీఎఫ్‌సీ బ్యాంకుల్లో ఏడాదికి రూ.10,000 ఫిక్స్డ్ డిపాజిట్ కలిగిన వారు కూడా పెనాల్టీ నుంచి తప్పించుకోవచ్చు. కస్టమర్లు మినిమం బ్యాలెన్స్ రూల్స్‌ను అనుసరించకపోతే బ్యాంకు వారి వద్ద నుంచి పెనాల్టీ రూపంలో రూ.150 నుంచి రూ.600 వరకు వసూలు చేస్తుంది.

మెట్రో, అర్బన్ ప్రాంతాల్లో పెనాల్టీ ఇలా...

- మెట్రో, అర్బన్ ప్రాంతాల్లో రూ.7,500 నుంచి రూ.10,000 లోపు అమౌంట్ ఉంటే రూ.150 పెనాల్టీ ఉంటుంది.

- మెట్రో, అర్బన్ ప్రాంతాల్లో రూ.5,000 నుంచి రూ.7,500 లోపు అమౌంట్ ఉంటే రూ.300 పెనాల్టీ ఉంటుంది.

- మెట్రో, అర్బన్ ప్రాంతాల్లో రూ.2,500 నుంచి రూ.5,000 లోపు అమౌంట్ ఉంటే రూ.450 పెనాల్టీ ఉంటుంది.

- మెట్రో, అర్బన్ ప్రాంతాల్లో రూ.0 నుంచి రూ.2,500 లోపు అమౌంట్ ఉంటే రూ.600 పెనాల్టీ ఉంటుంది.

సెమీ అర్బన్, రూరల్ ప్రాంతాల్లో పెనాల్టీ ఇలా...

- సెమీ అర్బన్ ప్రాంతాల్లో రూ.2,500 నుంచి రూ.5,000 లోపు అమౌంట్ ఉంటే రూ.150 పెనాల్టీ ఉంటుంది.

- మెట్రో, అర్బన్ ప్రాంతాల్లో రూ.0 నుంచి రూ.2,500 లోపు అమౌంట్ ఉంటే రూ.300 పెనాల్టీ ఉంటుంది.

- రూరల్ ప్రాంతాల్లో రూ.1,000 నుంచి రూ.2,500 లోపు అమౌంట్ మాత్రమే ఉంటే రూ.270 పెనాల్టీ ఉంటుంది.

- రూరల్ ప్రాంతాల్లో రూ.1,000 లోపు అమౌంట్ ఉంటే రూ.450 పెనాల్టీ ఉంటుంది.