ఏ బ్యాంకు ఎంత వడ్డీ రేటు తగ్గించిందంటే? హోంలోన్ ఏ బ్యాంకులో తక్కువ?

న్యూఢిల్లీ: ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా (SBI), ప్రయివేటు రంగ దిగ్గజం HDFC‌లతో పాటు బ్యాంక్ ఆఫ్ ఇండియా, బ్యాంక్ ఆఫ్ బరోడా, యూనియన్ బ్యాంకు ఆఫ్ ఇండియాలు వడ్డీ రేట్లను తగ్గించాయి. ఈ బ్యాంకులు 10 బేసిస్ పాయింట్ల నుంచి 20 బేసిస్ పాయింట్ల వరకు తగ్గించాయి. ఇటీవల రిజర్వ్ బ్యాంక్ ఆఫ్ ఇండియా (RBI) వడ్డీ రేట్లను తగ్గించలేదు. యథాతథంగా ఉంచింది. కానీ వివిధ బ్యాంకులు రుణాలపై వడ్డీ రేటు-MCLRను తగ్గించాయి. ఏ బ్యాంకు ఎంత తగ్గించిందంటే..

SBI

SBI వడ్డీ రేట్లను 10 బేసిస్ పాయింట్లు తగ్గించింది. ఏడాది ఎంసీఎల్ఆర్ పైన దీనిని తగ్గించింది. ఎస్బీఐ వడ్డీ రేట్లు తగ్గించడం ఈ ఏడాదిలో ఇది ఎనిమిదోసారి. ఈ తగ్గింపు ద్వారా రుణభారం మరింత తగ్గనుంది.

BOB

బ్యాంక్ ఆఫ్ బరోడా నిధులపై వ్యయానికి అనుగుణంగా రుణాలపై వడ్డీ రేటును తగ్గించింది. వివిధ కాలపరిమితులపై 20 బేసిస్ పాయింట్లు లేదా 0.20 శాతం వరకు తగ్గించింది. ఈ రేట్లు గురువారం (12 డిసెంబర్ 2019) నుంచి అమలులోకి వస్తాయి. ఏడాది కాలపరిమితి రుణాలపై వడ్డీ రేట్లను 0.05 శాతం తగ్గించి 8.25 శాతంగా, ఒక రోజు నుంచి నెల రుణాలపై 0.20 శాతం తగ్గించి 7.65 శాతం, మూడు నెలలు ఆరు నెలల కాల పరిమితిపై వరుసగా 7.80 శాతం, 8.10 శాతానికి తగ్గించింది.

UBI

యూనియన్ బ్యాంక్ ఆఫ్ ఇండియా వడ్డీ రేట్లను అన్ని కాలపరిమితులపై 5 నుంచి 10 బేసిస్ పాయింట్లు తగ్గించింది. ఏడాది కాలపరిమితిపై 8.25 శాతం నుంచి 8.2 శాతానికి తగ్గించింది. ఇవి బుధవారం (డిసెంబర్ 11) నుంచి అమలులోకి వస్తాయి. ఓవర్ నైట్ ఎంసీఎల్ఆర్ 7.75 శాతం, నెల రోజుల కాలపరిమితి 7.80 శాతం, మూడు నెలల కాలపరిమితి 7.95 శాతం, ఆరు నెలల కాలపరిమితి 8.05 శాతం, ఏడాది కాలపరిమితి 8.20 శాతంగా ఉంది. బ్యాంక్ ఆఫ్ ఇండియా ఎంసీఎల్ఆర్‌ను 20 బేసిస్ పాయింట్ల వరకు తగ్గించింది.

HDFC

HDFC వడ్డీ రేట్లను 15 బేసిస్ పాయింట్లు తగ్గించింది. ఏడాది కాల పరిమితిపై వడ్డీ రేటును 8.30 శాతం నుంచి 8.15 శాతానికి తగ్గించింది. అలాగే, రెండేళ్లు, మూడేళ్ల కాలపరిమితిపై 15 బేసిస్ పాయింట్లు తగ్గించింది.

ఓవర్ నైట్ 7.95 శాతం నుంచి 7.8 శాతానికి, నెల రోజుల కాలపరిమితిపై 8 శాతం నుంచి 7.85 శాతానికి, 3 నెలల కాలపరిమితిపై 8.05 శాతం నుంచి 8 శాతం నుంచి, 6 నెలల కాలపరిమితిపై 8.1 శాతం నుంచి 8 శాతానికి, ఏడాది కాలపరిమితిపై 8.30 శాతం నుంచి 8.15 శాతానికి, రెండేళ్ల కాలపరిమితిపై 8.4 శాతం నుంచి 8.25 శాతానికి, మూడేళ్ల కాలపరిమితిపై 8.5 శాతం నుంచి 8.35 శాతానికి తగ్గింది. HDFC బేస్ రేట్ 9.2 శాతం నుంచి 8.85 శాతానికి తగ్గించింది.

ఆయా బ్యాంకుల హోమ్ లోన్ వడ్డీ రేట్లు...

SBI హోమ్ లోన్ వడ్డీ రేట్లను కూడా తగ్గించింది. ఈ నేపథ్యంలో ఆయా బ్యాంకుల హోమ్ లోన్ వడ్డీ రేట్లు ఇలా ఉన్నాయి....

- SBI హోమ్ లోన్ వడ్డీ రేటు: 8.15% - 8.80% p.a.

- HDFC హోమ్ లోన్ వడ్డీ రేటు: 8.25% - 9.60% p.a.

- ICICI Bank హోమ్ లోన్ వడ్డీ రేటు: 8.60% - 9.40% p.a.

- Axis Bank హోమ్ లోన్ వడ్డీ రేటు: 8.55% - 9.40% p.a.

- PNB Housing Finance హోమ్ లోన్ వడ్డీ రేటు: 7.95% - 8.70% p.a.

- Karnataka Bank హోమ్ లోన్ వడ్డీ రేటు: 8.65% - 10.25% p.a.

- United Bank of India హోమ్ లోన్ వడ్డీ రేటు: 8.00%- 8.15% p.a.

- Vijaya Bank హోమ్ లోన్ వడ్డీ రేటు: 8.10% - 9.10% p.a.

- UCO Bank హోమ్ లోన్ వడ్డీ రేటు: 8.40% to 8.65% p.a.

- Citi Bank హోమ్ లోన్ వడ్డీ రేటు: 8.05% - 9.60% p.a.

- HSBC Bank హోమ్ లోన్ వడ్డీ రేటు: 8.55% - 8.65% p.a.

- Canara Bank హోమ్ లోన్ వడ్డీ రేటు: 8.05% - 10.05% p.a.