English हिन्दी ಕನ್ನಡ മലയാളം தமிழ்

ఐటీఆర్ ఏయే సంద‌ర్భాల్లో ప‌నికొస్తుంది?

Written By: Chandrasekhar
Subscribe to GoodReturns Telugu

ఆదాయ‌పు ప‌న్ను శాఖ ప‌న్ను చెల్లించే వారి సంఖ్య‌ను పెంచేందుకు స‌క‌ల ప్ర‌య‌త్నాలు చేస్తోంది. ఎందుకంటే మొత్తం జ‌నాభాలో ఆదాయ‌పు ప‌న్ను చెల్లించే వారి శాతం 1 శాతం లోపే ఉంది. ఆయ‌కార్ సేతు యాప్‌, మైట్యాక్స్ యాప్ నుంచి స‌హ‌జ్ ఫారం వంటి వాటిని అందుబాటులోకి తెచ్చి ఐటీఆర్ ఫైలింగ్ విధానాన్ని సులువుగా చేశారు. 2017 ఆర్థిక సంవత్స‌రానికి పైలింగ్ గ‌డువును ఆగ‌స్టు 5 వ‌ర‌కూ పెంచారు. జులై 31 నాటికి ఇంకా కోటి మందికి పైగా రిట‌ర్నులు దాఖ‌లు చేయ‌లేదు. మా ఆదాయం ప‌న్ను ప‌రిధిలో లేద‌ని చాలా మంది రిట‌ర్నుల గురించి ప‌ట్టించుకోరు. చాలా ఆర్థిక లావాదేవీల్లో ఐటీ రిట‌ర్నుల ఫారం ఉప‌యోగ‌ప‌డుతున్నందున ఆదాయం ప‌రిమితికి మించి లేక‌పోయినా రిట‌ర్నులు దాఖ‌లు చేయ‌డం మంచిది. ఏయే సంద‌ర్భాల్లో ఐటీ రిటర్నులు మ‌న‌కు ఉప‌యోగ‌ప‌డ‌తాయో తెలుసుకుందాం.

1. ఆర్థిక సంస్థ‌ల నుంచి రుణం ద‌ర‌ఖాస్తు చేసుకునేట‌ప్పుడు

1. ఆర్థిక సంస్థ‌ల నుంచి రుణం ద‌ర‌ఖాస్తు చేసుకునేట‌ప్పుడు

బ్యాంకులు, బ్యాంకింగేత‌ర ఆర్థిక సంస్థ‌లు గ‌త మూడేళ్ల ఐటీ రిట‌ర్నుల న‌క‌ళ్ల‌ను ఆదాయం రుజువుగా అడుగుతాయి. ఇది ద‌ర‌ఖాస్తుదారు చెల్లింపు సామ‌ర్థ్యం మీద ఆక అవ‌గాహ‌న‌ను తెచ్చేందుకు మాత్ర‌మే. అస‌లు, వ‌డ్డీ క‌లిపి చాలా అవుతుంది కాబ‌ట్టి ఆదాయం ఎంత ఉంద‌నే దాన్ని బ‌ట్టి బ్యాంకులు రుణ ద‌ర‌ఖాస్తు దారుని గురించి ఒక అవ‌గాహ‌న‌కు వ‌స్తాయి. దాదాపుగా గృహ రుణం, వాహ‌న రుణం దేనికైనా ఐటీఆర్‌ను అడుగుతుంటారు.

2. వీసా ప్రాసెసింగ్‌

2. వీసా ప్రాసెసింగ్‌

గ‌త 2,3 ఏళ్ల ఐటీ రిట‌ర్నుల‌ను ఫైల్ చేసిన త‌ర్వాత వీసా ద‌ర‌ఖాస్తు ప్ర‌క్రియ మొద‌లవుతుంది. ఎందుకంటే ద‌ర‌ఖాస్తుదారు చెల్లించిన ప‌న్నుల‌కు ఒక రుజువుగాను, స్థిర ఆదాయానికి ఒక రుజువుగాను ఇది ఉంటుంది.

3. స్థిరాస్తి రిజిస్ట్రేష‌న్‌

3. స్థిరాస్తి రిజిస్ట్రేష‌న్‌

దేశంలోని కొన్ని రాష్ట్ర ప్ర‌భుత్వాలు స్థిరాస్తి కొనుగోలు, రిజిస్ట్రేష‌న్ స‌మ‌యాల్లో ఐటీఆర్ ఫారంను అడుగుతున్నాయి. మీరు కొన్న స్థిరాస్తి వివ‌రాల‌ను రిజిస్ట్రేష‌న్ శాఖ వారు ఆదాయ‌పు ప‌న్ను శాఖ‌కు పంపుతార‌ని గుర్తుంచుకోండి.

4. బీమా, క్రెడిట్ కార్డుల దర‌ఖాస్తు స‌మ‌యంలో

4. బీమా, క్రెడిట్ కార్డుల దర‌ఖాస్తు స‌మ‌యంలో

కొన్ని చిన్న బ్యాంకులు, ఆర్థిక సంస్థ‌లు రుణ ద‌ర‌ఖాస్తు దారుల స్తోమ‌త‌ను తెలుసుకునేందుకు ఐటీఆర్‌ల‌ను అడుగుతాయి. కొన్ని సంద‌ర్భాల్లో బీమా సంస్థ‌లు సైతం ఐటీఆర్ డాక్యుమెంట్ల‌ను అడుగుతాయి. ఇప్ప‌టికీ ఐటీఆర్ రిట‌ర్నులు ఎందుకు స‌మ‌ర్పించాలని అని అనుకునే వారు క‌నీసం ఈ సంద‌ర్భాల్లో ప‌నికొస్తుంద‌నే భావ‌న‌తోనైనా ఐటీఆర్ రిట‌ర్నుల‌ను స‌మ‌ర్పిస్తే వారికే మంచిది.

Read more about: itr, income tax, tax, taxes
English summary

Where do you need to give itr copy as proof

From Aaykar Setu App , MyTax App to Sahaj form, the government is constantly making ITR filing process simpler. For the financial year 2016-17, the due date for filing tax return is July 31. Now it is extended to aug 5,2017.
Story first published: Friday, August 4, 2017, 12:19 [IST]
Please Wait while comments are loading...
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC

Get Latest News alerts from Telugu Goodreturns