Post Office Schemes: నెలనెలా రూ.5000 కావాలా.. అయితే ఈ పోస్టాఫీస్ పథకంలో పెట్టుబడి పెట్టొచ్చు..
సురక్షితమైన పెట్టుబడి పథకాల్లో పోస్టాఫీస్ పథకాలు ఉత్తమంగా భావిస్తారు. పోస్టాఫీస్ పథకాల్లో పోస్టాఫీస్ మంత్లీ ఇన్కమ్ స్కీమ్ (POMIS) ఒక్కటి. మీకు నెలనెలా ఆదాయం రావాలంటే.. SIP ద్వారాపోస్ట్ ఆఫీస్ మంత్లీ ఇన్కమ్ స్కీమ్ లో పెట్టుబడి పెట్టవచ్చు. ఇందులో, కొంత సమయం తర్వాత, పెట్టుబడిదారులు నెలవారీ ఆదాయ పథకం (POMIS) అవకాశాన్ని పొందుతారు. ఈ స్కీమ్లో మీరు ఒక మొత్తంలో పెట్టుబడి పెట్టొచ్చు.
5 సంవత్సరాల తర్వాత
మీరు ఈ స్కీమ్లో డబ్బును డిపాజిట్ చేసిన 5 సంవత్సరాల తర్వాత తిరిగి పొందుతారు. పోస్టాఫీసు ఎంఐఎస్ పథకంలో సింగిల్, జాయింట్ ఖాతాలు సౌలభ్యం ఉంది. పదవీ విరమణ తర్వాత పెన్షన్ కోసం చాలా మంది ఈ పథకాన్ని ఎంచుకుంటారు. పోస్టాఫీస్ మంత్లీ ఇన్కమ్ స్కీమ్ (POMIS)లో ఒకే ఖాతా ద్వారా గరిష్టంగా రూ. 4.5 లక్షలు పెట్టుబడి పెట్టవచ్చు. ఉమ్మడి ఖాతాలో మీరు పెట్టుబడి పెట్టగల గరిష్ట మొత్తం రూ. 9 లక్షలు.
ప్రతి నెలా పింఛన్
పోస్ట్ ఆఫీస్ నెలవారీ ఆదాయ పథకంలో ప్రస్తుతం సంవత్సరానికి 6.6% వడ్డీ రేటును ఇస్తున్నారు. మీరు స్కీమ్లో రూ. 9 లక్షలు డిపాజిట్ చేసినట్లయితే, సంవత్సరానికి 6.6 శాతం చొప్పున, 1 సంవత్సరానికి మొత్తం వడ్డీ రూ. 59,400 వస్తుంది. ఈ మొత్తాన్ని 12 నెలల పాటు నెలనెలా ఇస్తారు. ఈ విధంగా, ప్రతి నెలా వడ్డీ దాదాపు రూ.4950 ఇస్తారు. మీరు ఒకే ఖాతా ద్వారా రూ. 4,50,000 లక్షలు డిపాజిట్ చేస్తే, నెలవారీ వడ్డీ రూ. 2475 అవుతుంది.
ఖాతా ఎలా ఓపెన్ చేయాలి
పోస్టాఫీసులో పొదుపు ఖాతా తెరవాలి. ఆధార్ కార్డ్ లేదా పాస్పోర్ట్ లేదా ఓటర్ కార్డ్ లేదా డ్రైవింగ్ లైసెన్స్ ఉండాలి. దీనితో పాటు, 2 పాస్పోర్ట్ సైజ్ ఫోటోలు, అడ్రస్ ఫ్రూప్ కూడా ఉండాలి. మీరు దీన్ని ఆన్లైన్లో కూడా డౌన్లోడ్ చేసుకోవచ్చు. ఫారమ్ నింపడంతో పాటు నామినీ పేరు కూడా ఇవ్వాలి. ఈ ఖాతాను తెరవడానికి, మొదట 1000 రూపాయలు నగదు లేదా చెక్కు ద్వారా డిపాజిట్ చేయాలి.