విప్రో చేతికి యూకే కంపెనీ క్యాప్‌కో, ఐటీ దిగ్గజానికి ఇదే అతిపెద్ద డీల్

బిజినెస్ లీడర్లతో కలిసి వర్క్

ఈ విభాగంలోని అంతర్జాతీయ క్లయింట్స్‌కు పటిష్టమైన, సమర్ధవంత కన్సల్టింగ్, ఫైనాన్షియల్‌ సర్వీసులను అందించనున్నట్లు విప్రో తెలిపింది. కంపెనీకి గల వ్యూహాత్మక డిజైన్, డొమైన్, డిజిటల్ ట్రాన్స్‌ఫార్మేషన్, క్లౌడ్ తదితర సేవలకు క్యాప్‌కోకు ఉన్న కన్సల్టింగ్ సమర్ధత జత కలవనున్నట్లు వెల్లడించింది. బ్యాంకింగ్ చెల్లింపులు, క్యాపిటల్ మార్కెట్లు, బీమా తదితర విభాగాల్లో మరింత మెరుగైన సేవలకు వీలున్నట్లు తెలిపింది. ఇప్పటికే అంతర్జాతీయ ఆర్థిక సేవల రంగంలోని పలు ప్రముఖ కంపెనీలకు క్యాప్‌కో సేవలు అందిస్తోంది. క్యాప్‌కో ఇరవై ఏళ్లుగా బిజినెస్‌ లీడర్లతో పని చేస్తోంది.

జూన్ 30 నాటికి ఒప్పందం పూర్తి

క్యాప్‌కో సంస్థకు అనుభవం కలిగిన ఉన్నత ఉద్యోగులతో పాటు 5,000కు పైగా బిజినెస్, టెక్నాలజీ కన్సల్టెంట్లను కలిగి ఉంది. అంతర్జాతీయంగా 30ి పైగా కేంద్రాల ద్వారా సేవలు అందిస్తోంది. ఈ ఏడాది జూన్ 30వ తేదీ నాటికి క్యాప్‌కో కొనుగోలు ఒప్పందం పూర్తి కావొచ్చునని విప్రో భావిస్తోంది.

లండన్ కేంద్రంగా

క్యాప్‌కో 1998లో ఏర్పాటయింది. ప్రపంచవ్యాప్తంగా 100 మందికి పైగా క్లయింట్స్‌ను కలిగి ఉంది. అంతర్జాతీయంగా ప్రముఖ ఫైనాన్షియల్ ఇనిస్టిట్యూషన్స్‌కు దీర్ఘకాలంగా సేవలు అందిస్తోంది. లండన్ కేంద్రంగా 16 దేశాల్లో 30 ప్రాంతాలలో కార్యకలాపాలు విస్తరించింది. కన్సాలిడేటెడ్ ప్రాతిపదికన 2020లో 72 కోట్ల డాలర్ల ఆదాయం సాధించింది.