కరోనా వ్యాక్సిన్ రవాణా కోసం ఓం లాజిస్టిక్స్ తో స్పైస్ జెట్ భాగస్వామ్యం

కరోనా మహమ్మారిని అంతమొందించడానికి ఇప్పటికే పలు దేశాలు పోటాపోటీగా తయారు చేస్తున్న కరోనా వ్యాక్సిన్ రవాణాకు ప్రపంచ దేశాలు సిద్ధమవుతున్నాయి. ఈ సమయంలో వ్యాక్సిన్ సరఫరాపై పలు జాగ్రత్తలు తీసుకోవాల్సిన అవసరం ఉంది. దీనికోసం స్పైస్ జెట్ కు సంబంధించిన ప్రత్యేక కార్గో సంస్థ స్పైస్ ఎక్స్ ప్రెస్ స్పైస్ ఫార్మా ప్రో పేరుతో ప్రత్యేక సర్వీసులను ప్రారంభించింది.

స్పైస్ జెట్ ఓం లాజిస్టిక్స్ లిమిటెడ్‌తో భాగస్వామ్యం

వ్యాక్సిన్ రవాణా కోసం క్యారియర్ స్పైస్ జెట్ గురువారం కోవిడ్ -19 వ్యాక్సిన్ రవాణా కోసం ఓం లాజిస్టిక్స్ తో తన భాగస్వామ్యాన్ని ప్రకటించింది. కోవిడ్ -19 వ్యాక్సిన్ డెలివరీకి వేగవంతమైన పరిష్కారాన్ని అందించడమే కాకుండా, దేశీయంగా మరియు అంతర్జాతీయంగా స్థిరమైన కోల్డ్ చైన్ నెట్‌వర్క్‌ను సృష్టించడం లక్ష్యంగా పెట్టుకుందని అందుకే వ్యూహాత్మకంగా భాగస్వామ్యం చేసుకుందని స్పైస్ జెట్ ఒక ప్రకటనలో తెలిపింది.

ప్రపంచవ్యాప్తంగా 1,200 కార్యాలయాలతో ఓం లాజిస్టిక్స్ అంతర్జాతీయ ఉనికి

మైనస్ 40డిగ్రీల సెల్సియస్ నుంచి 25 డిగ్రీల సెల్సియస్ వద్ద ఈ వ్యాక్సిన్ ను జాగ్రత్తగా నిల్వచేయాల్సి ఉంటుంది. స్పైస్ ఎక్స్ ప్రెస్ అంతర్జాతీయంగా పలు కోల్డ్ చైన్ సొల్యూషన్స్ సంస్థలతో ఒప్పందం చేసుకుంది. కోవిడ్ -19 వ్యాక్సిన్ డెలివరీ కోసం కోల్డ్ చైన్ సొల్యూషన్స్ అందించే ప్రయత్నంలో స్పైస్ జెట్ ఓం లాజిస్టిక్స్ లిమిటెడ్‌తో భాగస్వామ్యం కుదుర్చుకుందని ఎయిర్‌లైన్స్ ఒక ప్రకటనలో తెలిపింది. ప్రపంచవ్యాప్తంగా 1,200 కార్యాలయాలతో ఓం లాజిస్టిక్స్ అంతర్జాతీయ ఉనికి కలిగి ఉందని, భారతదేశంలో 19,000 కి పైగా ప్రాంతాలను చేర్చగల సామర్థ్యం స్పైస్ జెట్ యొక్క బలాన్ని మరింత పెంచుతుందని తెలిపింది.

ఓం లాజిస్టిక్స్ దేశంలోని ప్రతి ప్రాంతాన్ని కవర్ చేయడానికి రిఫ్రిజిరేటెడ్ ట్రక్కులను అందిస్తుందన్న స్పైస్ జెట్

అసోసియేషన్‌లో భాగంగా, ఓం లాజిస్టిక్స్ దేశంలోని ప్రతి ప్రాంతాన్ని కవర్ చేయడానికి రిఫ్రిజిరేటెడ్ ట్రక్కులను స్పైస్ జెట్‌కు అందిస్తుంది. అత్యంత సున్నితమైన డ్రగ్స్ ను, నియంత్రిత వాతావరణంలో సరఫరా చేయటంలో తాము సామర్ధ్యం కలిగి ఉన్నట్లు స్పైస్ జెట్ వెల్లడించింది. స్పైస్ ఎక్స్ ప్రెస్ 17 సరుకు రవాణా ఎయిర్ క్రాఫ్ట్ లను కలిగి ఉంది. 54 దేశీయ మరియు 45 అంతర్జాతీయ గమ్యస్థానాల 17 ఎయిర్ క్రాఫ్ట్ క్రాఫ్ట్ నెట్‌వర్క్‌తో, స్పైస్ ఎక్స్‌ప్రెస్ దేశీయ మరియు అంతర్జాతీయ గమ్యస్థానాల జాబితాకు రోజుకు 500 టన్నుల సరుకును తీసుకువెళ్లే సామర్థ్యాన్ని కలిగి ఉంది.