ఈ టైంలో యోనో అండర్ మెయింటెనెన్స్.. నెట్ బ్యాంకింగ్ ఉపయోగించండి, : తెలుసుకోండి

ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా(SBI) తమ కస్టమర్లకు ఓ విజ్ఞప్తి చేసింది. యోనో యాప్ రెండు రోజుల పాటు అండర్ మెయింటెన్స్‌లో ఉంటుందని నిన్న ట్వీట్ చేసింది. ఇందుకు సంబంధించి తేదీలు ఇచ్చింది. ఒకటి నేడు 11వ తేదీ, మరొకటి 13వ తేదీ అండర్ మెయింటెన్స్‌లో ఉంటుంది. యోనో యాప్ పై రెండు తేదీల్లో ఉదయం గం.12 నుండి ఉదయం గం.4 వరకు మెయింటెనెన్స్‌లో ఉందని, కాబట్టి కస్టమర్లు తమకు ఎలాంటి ఇబ్బందులు లేకుండా ఉండేందుకు ఇంటర్నెట్ బ్యాంకింగ్, ఇతర సౌకర్యాలను ఉపయోగించుకోవాలని ఎస్బీఐ తన ట్వీట్‌లో పేర్కొంది.

యోనో స్పెషల్ ఫీచర్స్

SBI తన యోనో యాప్ ప్రత్యేక ఫీచర్స్‌ను ఇటీవల ప్రవేశ పెట్టింది. ప్రీ-లాగిన్ లక్షణాలతో ఎస్బీఐ ఖాతాదారులు తమ బ్యాంకు ఖాతా వివరాలను యాక్సెస్ చేసుకోవచ్చు. పాస్‌బుక్ చూసుకోవచ్చు. ఎస్బీఐ యోనో యాప్‌కు లాగిన్ కాకుండానే ట్రాన్సాక్షన్స్ పూర్తి చేయవచ్చు. 'ఇప్పుడు యాప్‌లోకి లాగిన్ కాకుండానే ట్రాన్సాక్షన్ పూర్తి చేయండి. మీ బ్యాలెన్స్ చెక్ చేసుకోండి. పాస్‌బుక్ చూసుకోండి. యోనో ఎస్బీఐతో త్వరగా బ్యాంకింగ్ చేయండి' అని ఇటీవల ట్వీట్ చేసింది.

లాగిన్ అవసరం లేకుండా ట్రాన్సాక్షన్

ఎస్బీఐ బ్యాంక్ అకౌంట్ తెలుసుకోవడం కోసం ఇటీవలి వరకు లాగిన్ తప్పనిసరి. కానీ ఇప్పుడు లాగిన్ అవాల్సిన అవసరం లేదు. పై సేవలు పొందేందుకు ముందుగానే సెట్టింగ్ చేసుకోవాలి. కస్టమర్లు యోనో యాప్‌ను ఓపెన్ చేసి వ్యూ బ్యాలెన్స్ పైన క్లిక్ చేయాలి. ఎంపిన్, బయోమెట్రిక్ వంటి వాటి ద్వారా యాక్సెస్ చేసుకోవచ్చు. గతంలో జరిగిన ట్రాన్సాక్షన్ వివరాలు తెలుసుకోవాలంటే వ్యూ ట్రాన్సాక్షన్ పైన క్లిక్ చేయాలి. యోనో యాప్ ద్వారా సులువుగా పేమెంట్స్ కూడా చేయవచ్చు. లాగిన్ అవసరం లేకుండా రూ.2000 ట్రాన్సాక్షన్స్ జరపవచ్చు. యోనో క్విక్ ప్లే చేయడం ద్వారా ఇది సాధ్యం.

ఎస్బీఐ యోనో యాప్

లాగిన్ ఆప్షన్‌తో పాటు ఇప్పుడు ఎస్బీఐ యోనో యాప్‌లో వ్యూ బ్యాలెన్స్, క్విక్ పే ఆప్షన్ ఉంటుంది.ఈ సదుపాయాన్ని ఉపయోగించడానికి 6 అంకెల MPIN లేదా బయోమెట్రిక్ అథంటేఫికేషన్/ఫేస్ ఐడీ లేదా యూజర్ ఐడీ మరియు పాస్ వర్డ్ అవసరం.ఎస్బీఐ తన వినియోగదారుల బ్యాంకింగ్, షాపింగ్ అవసరాలు తీర్చడానికి 2017లో యోనో యాప్‌ను తీసుకు వచ్చింది. కన్సల్టెంట్ మెకెన్సీ, టెక్ మేజర్ ఐబీఎం సహకారంతో ఎస్బీఐ ఈ ప్లాట్‌ఫాంను అందుబాటులోకి తెచ్చింది.