LICకి డిఫాల్టర్స్ షాక్, ఐదేళ్లలో ఎన్పీఏలు రెండింతలు

ఎల్ఐసీ డిఫాల్టర్లు డబుల్

అయితే ప్రభుత్వరంగ ఎల్ఐసీకి కూడా ఎన్పీఏల బాధ తప్పడం లేదు. గత అయిదేళ్లలో ఎల్ఐసీ ఎన్పీఏలు రెండింతలు పెరిగి రూ.30,000 కోట్లకు చేరుకుంది. 2019-20 ఆర్థిక సంవత్సరంలో తొలి 6నెలల్లో (ఏప్రిల్-సెప్టెంబర్) ఎల్ఐసీ గ్రాస్ ఎన్పీఏలు 6.10 శాతంగా ఉన్నాయి. వివిధ కారణాలతో ప్రయివేటు సెక్టార్ బ్యాంకుల ఎన్పీఏలు కూడా పెరుగుతున్నాయి.

2019-20 ఆర్థిక సంవత్సరంలోని రెండో క్వార్టర్‌లో యస్ బ్యాంకు ఎన్పీఏలు 7.39 శాతానికి, ఐసీఐసీఐ బ్యాంకు ఎన్పీఏలు 6.37 శాతానికి, యాక్సిస్ బ్యాంకు ఎన్పీఏలు 5.03 శాతానికి చేరుకున్నాయి.

రూ.30,000 కోట్ల ఎన్పీఏలు

ఎల్ఐసీ ఆస్తులు రూ.36 లక్షల కోట్లకు పైగా ఉంటాయి. ఈ సంస్థకు 2019 సెప్టెంబర్ 30తో ముగిసిన క్వార్టర్‌కు ఎన్పీఏలు రూ.30,000కోట్లు ఉన్నాయి. గ్రాస్ ఎన్పీఏలు 6.10 శాతంగా ఉంది. అయిదేళ్లలో ఎన్పీఏలు దాదాపు రెండింతలు అయ్యాయి. ఎల్ఐసీ దాదాపు ఎప్పుడు గ్రాస్ ఎన్పీఏలును 1.5 శాతం నుంచి 2 శాతం మధ్య ఉండేలా చూసుకుంటుంది.

జాబితా ఇదే..

ఎల్ఐసీ బిగ్ డిఫాల్టర్స్ జాబితాలో డక్కన్ క్రానికల్, ఎస్సార్ పోర్ట్, గామన్, IL&FS, భూషణ్ పవర్, వీడియోకాన్ ఇండస్ట్రీస్, అలోక్ ఇండస్ట్రీస్, అంత్రాక్ ఆటో, ఏబీజీ షిప్‌యార్డ్, యూనిటెక్, జీవీకే పవర్, జీటీఎల్ వంటివి ఉన్నాయి. వాస్తవానికి ఎల్ఐసీ ప్రాఫిట్స్ ఏడాదికి రూ.2,600 కోట్ల వరకు ఉంటుంది.