Just In
-
-
-
-
Don't Miss
-
ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!! -
మామిడికాయ పచ్చడిని ఈజీగా ఇలా తయారు చేసుకోండి.. -
అనూహ్య ఘటనను ఎదుర్కొన్న రోహిత్ శర్మ -
OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..! -
ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..! -
Market Mahalakshmi Review: మార్కెట్ మహాలక్ష్మీ మెప్పించిందా? మూవీ ఎలా ఉందంటే? -
25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
గుడ్‌న్యూస్: రూ.50,000 దిగువకు... భారీగా తగ్గిన బంగారం ధరలు
బంగారం కొనాలనుకుంటున్నారా? అయితే మీకో గుడ్‌న్యూస్. బంగారం ధరలు భారీగా తగ్గాయి. బంగారం 2020 ఆగస్ట్ నెలలో ఆల్ టైమ్ గరిష్టం రూ.56,200కు చేరుకుంది. అయితే ఆ తర్వాత 44,000 దిగువకు చేరుకున్నప్పటికీ, కరోనా సెకండ్, థర్డ్ వేవ్ ఆ తర్వాత రష్యా - ఉక్రెయిన్ యుద్ధం కారణంగా పసిడి ధరలు మళ్లీ రూ.55,000 స్థాయికి చేరుకున్నాయి. కానీ ఇటీవల మళ్లీ భారీగా తగ్గాయి. గత నెలలో రూ.53,000 పైన పలికిన గోల్డ్ ఫ్యూచర్స్ ఈ కాలంలోనే రూ.3000కు పైగా తగ్గి రూ.50,000 దిగువకు చేరుకోవడం గమనార్హం.
పసిడికి డాలర్ దెబ్బ
గోల్డ్ ఫ్యూచర్స్ చాలా రోజుల తర్వాత రూ.50,000 దిగువకు వచ్చింది. అలాగే వెండి ఫ్యూచర్స్ కూడా రూ.60,000 దిగువకు పడిపోయింది. అంతర్జాతీయ మార్కెట్ కామెక్స్‌లో గోల్డ్ ఫ్యూచర్స్ ఆల్ టైమ్ గరిష్టం 2075తో పోలిస్తే 262 డాలర్లు తక్కువగా, సిల్వర్ ఫ్యూచర్స్ 22 డాలర్ల దిగువకు పడిపోయింది. డాలర్ వ్యాల్యూ అంతకంతకూ పెరుగుతుండటం పసిడి ధర పైన ప్రభావం చూపుతోంది. డాలర్ దెబ్బతో పసిడి మూడు నెలల కనిష్టానికి పడిపోయింది.
దేశీయ ఫ్యూచర్ మార్కెట్
గోల్డ్ ఫ్యూచర్స్ క్రితం సెషన్‌లో రూ.265 క్షీణించి రూ.49,909 వద్ద, ఆగస్ట్ గోల్డ్ ఫ్యూచర్స్ రూ.335 తగ్గి రూ.50,078 వద్ద ముగిసింది. జూలై సిల్వర్ ఫ్యూచర్స్ క్రితం సెషన్‌లో రూ.631 పెరిగి రూ.59,382 వద్ద ముగిసినప్పటికీ, అంతకుముందు సెషన్‌లో రూ.59,000 దిగువకు పడిపోయింది. సెప్టెంబర్ సిల్వర్ ఫ్యూచర్స్ రూ.591 పెరిగి రూ.60,073 వద్ద ముగిసింది.
కామెక్స్‌లో...
అంతర్జాతీయ మార్కెట్ కామెక్స్‌లో క్రితం సెషన్‌లో గోల్డ్ ఫ్యూచర్స్ 14.30 డాలర్లు క్షీణించి 1810 డాలర్ల వద్ద ముగిసింది. అంతకుముందు సెషన్‌లో 1824 డాలర్ల వద్ద ముగిసింది. ఏడాదిలో 0.75 శాతం క్షీణించింది. సిల్వర్ ఫ్యూచర్స్ 0.352 డాలర్లు పెరిగి 21.125 డాలర్ల వద్ద ముగిసింది. క్రితం సెషన్‌లో 20.773 డాలర్ల వద్ద ముగిసింది. ఏడాదిలో 21.93 డాలర్ల మేర క్షీణించింది.
