Elon Musk: యూటర్న్ తీసుకున్న ఎలాన్ మస్క్.. ట్విట్టర్ డీల్ కు ఓకే.. మాటమీద నిలబడతాడా..?
Elon Musk: ప్రపంచంలోనే అత్యంత ధనవంతుడు ఎలాన్ మస్క్ మరోసారి ట్విట్టర్ను కొనుగోలు చేయాలనుకుంటున్నట్లు ప్రకటించారు. మస్క్ తన పాత ఆఫర్పై ట్విట్టర్ను కొనుగోలు చేయాలని భావిస్తున్నట్లు బ్లూమ్బెర్గ్ తన నివేదికలో వెల్లడించింది.
పాత రేటుకే మళ్లీ..
మస్క్ పాత ఆఫర్ ఒక్కో షేరుకు 54.20 డాలర్లుగా ఉంది. విషయం తెలిసిన వ్యక్తుల ప్రకారం.. ఎలాన్ మస్క్ ఈ ప్రతిపాదనను ట్విట్టర్కు లేఖ ద్వారా పంపారు. ఈ వార్త వెలువడిన తర్వాత ట్విట్టర్ షేర్ 18 శాతం పెరిగింది. దీనికి ముందు మస్క్ నెలల తరబడి ట్విట్టర్ను కొనుగోలు చేసే ఒప్పందం నుంచి వెనక్కి తగ్గడానికి ప్రయత్నించారు. ట్విట్టర్ ఫేక్ అకౌంట్ల విషయంలో సమాచారాన్ని దాచిపెట్టిందని మస్క్ ఆరోపించారు. యూజర్ బేస్, ఫేక్ అకౌంట్లకు సంబంధించిన డేటా విషయంలో వాగ్వాదం కొనసాగింది.
విజిల్ బ్లోయర్ కారణంగా..
టెస్లా సీఈవో ఎలాన్ మస్క్ ఇటీవల విజిల్బ్లోయర్ డీల్ను విచ్ఛిన్నం చేయడానికి ట్విట్టర్ పెద్ద కారణమని తెలిపింది. విజిల్బ్లోయర్గా మారిన మాజీ ట్విట్టర్ ఉద్యోగి తనకు మిలియన్ డాలర్లు చెల్లించాడని మస్క్ చెప్పారు. మస్క్ ట్విటర్ను కొనుగోలు చేయడానికి $44 బిలియన్ల ఒప్పందాన్ని రద్దు చేయడానికి ఇది ఒక ప్రధాన కారణం. పీటర్ జాట్కో అనే విజిల్బ్లోయర్ దీనికి కారణంగా తెలుస్తోంది.
నకిలీ ఖాతాల సమస్య..
SpaceX CEO ఎలాన్ మస్క్ ట్విట్టర్లో 'బాట్లు, స్పామ్, నకిలీ ఖాతాలు' ఉన్నాయని, దాని కారణంగా అతను ఈ ఒప్పందాన్ని రద్దును ప్రకటించారు. ఎలాన్ మస్క్ ట్విట్టర్ ఒప్పందాన్ని రద్దు చేసుకోవటం వెనుక ఉన్న భారతదేశ సంబంధాన్ని కూడా ప్రస్తావించారు. భారత ప్రభుత్వంపై ఉన్న ప్రమాదకర వ్యాజ్యాన్ని బహిర్గతం చేయడంలో ట్విట్టర్ విఫలమైందని ఆయన కోర్టుకు తెలిపారు. భారత ప్రభుత్వానికి వ్యతిరేకంగా వెళ్లడం ద్వారా ట్విట్టర్ ప్రపంచంలోని మూడవ అతిపెద్ద మార్కెట్ను ప్రమాదంలో పడవేసిందని మస్క్ పేర్కొన్నారు. మస్క్ డెలావేర్ కోర్టులో కౌంటర్సూట్లో అనేక విషయాల గురించి ట్విట్టర్ తనను చీకటిలో ఉంచిందని పేర్కొన్నాడు.