ఉల్లి తర్వాత షాకిస్తోన్న వంట నూనె, ఏడాదిలో రూ.30 వరకు పెరుగుదల: ఏది ఎంత పెరిగిందంటే

గత ఏడాది నుండి ధరల పెరుగుదల ఇలా

కన్స్యూమర్ అఫైర్స్ మినిస్ట్రీ ప్రైస్ మానిటరింగ్ సెల్ డేటా ప్రకారం మస్టర్డ్ ఆయిల్ లీటర్ ధర గత ఏడాది ఇదే సమయంలో రూ.100 ఉండగా, ఇప్పుడు రూ.120కి పెరిగింది. వనస్పత నూనె ఏడాది క్రితం రూ.75.25 ఉండగా, ఇప్పుడు రూ.102కు పెరిగింది. సోయాబీన్ నూనె 2018 అక్టోబర్ 18వ తేదీన 90 ఉండగా, ఇప్పుడు రూ.110కి చేరుకుంది. సన్‌ఫ్లవర్ ఆయిల్, పామాయిల్ ధరల్లోను దాదాపు 25 శాతం నుండి 30 శాతం పెరుగుదల కనిపించింది.

ధరలు పెరగడానికి కారణం...

గత ఆరు నెలలుగా మలేషియాలో పామాయిల్ ఉత్పత్తి పడిపోవడం ఈ ధరలు పెరగడానికి కారణంగా చెబుతున్నారు. మన దేశంలో ప్రాసెస్ చేసిన దాదాపు 70 శాతం పామాయిల్‌ను ఆహార పరిశ్రమ ఉపయోగిస్తోంది. ఇది అతిపెద్ద వినియోగదారు. మన దేశంలో ఎక్కువగా దీనిని ఉపయోగిస్తారు. ప్రస్తుత పరిస్థితుల్లో పామాయిల్ పైన దిగుమతి సుంకాన్ని తగ్గించడం ప్రభుత్వం చేతిలో ఉందని ఈ పరిశ్రమ కోరుతోంది. పామాయిల్ ధరల పెరుగుదల మొత్తం ఎడిబుల్ ఆయిల్స్ పైన పడ్డాయని చెబుతున్నారు.

దిగుమతి సుంకం తగ్గిస్తే..

కొద్ది నెలల క్రితం కిలో రూ.20 అంతకంటే తక్కువగా ఉన్న ఉల్లి ధరలు భారీ వర్షాలు, వరదల కారణంగా రూ.100కు చేరుకున్న విషయం తెలిసిందే. దీంతో కేంద్రం పలు చర్యలు చేపట్టింది. దీంతో ధరలు కాస్త దిగి వచ్చాయి. ఇప్పుడు వంట నూనె ధరలు కూడా అంతకంతకూ పెరుగుతుండటంతో కేంద్ర ప్రభుత్వం దీనిపై దృష్టి సారించినట్లుగా తెలుస్తోంది. కేంద్రం పామాయిల్ ధరలు పెంచేందుకు కసరత్తు చేస్తోంది. దిగుమతి సుంకాన్ని యోచన చేస్తోంది.