Bitcoin Value: 6 వారాల గరిష్టానికి బిట్‌కాయిన్, 40,000 స్థాయికి..

క్రిప్టోకరెన్సీ పరుగులు పెడుతోంది. ఇటీవల 30వేల డాలర్ల దిగువకు పడిపోయిన క్రిప్టో కింగ్ బిట్ కాయిన్ ఇప్పుడు 40వేల డాలర్ల దిశగా పరుగులు పెడుతోంది. బిట్ కాయిన్ నేడు ఒక్కరోజే 15 శాతం ఎగిసి 39,544 డాలర్ల వద్ద ట్రేడ్ అయింది. ఈ టోకెన్ 50 రోజుల గరిష్టానికి చేరుకుంటుంది. అంటే దాదాపు ఆరు వారాల గరిష్టానికి చేరుకుంది.

రెండో అతిపెద్ద క్రిప్టో కరెన్సీ ఎథేర్ 7 శాతం లాభపడి 2330 డాలర్ల వద్ద ట్రేడ్ అయింది. డోజీకాయిన్ 9 శాతం లాభపడి 0.20 డాలర్ల స్థాయికి చేరకుంది. XRP, కార్డానో, యూనిస్వాప్, లైట్‌కాయిన్ వంటి డిజిటల్ టోకెన్స్ కూడా 8 శాతం పెరిగింది.

గతవారం 30వేల డాలర్ల దిగువకు పడిపోయిన బిట్ కాయిన్ మరింత క్షీణించే ప్రమాదం కనిపించింది. అయితే ఆ తర్వాత గతవారం జరిగిన ఓ కార్యక్రమంలో టెస్లా అధినేత ఎలాన్ మస్క్ మాట్లాడుతూ... బిట్ కాయిన్‌కు సానుకూలంగా మాట్లాడారు. అప్పటి నుండి క్రిప్టో కరెన్సీ వ్యాల్యూ పెరుగుతోంది.