ఎయిర్‌టెల్ అదిరిపోయే ప్రీపెయిడ్ ప్లాన్స్: రూ.100 క్యాష్‌బ్యాక్, మ్యూజిక్ కోర్స్ ఫ్రీ

భారతీ ఎయిర్‌టెల్ తన ప్రీపెయిడ్ కస్టమర్ల కోసం రెండు కొత్త ప్లాన్స్‌ను అందుబాటులోకి తీసుకు వచ్చింది. రూ.279, రూ.379 ధరలతో ఈ ప్లాన్స్‌ను పరిచయం చేస్తున్నట్లు పేర్కొంది. ఈ కొత్త ప్లాన్స్‌లో హైస్పీడ్ డేటా, ఎస్సెమ్మెస్ వంటి వివిధ ప్రయోజనాలు ఉంటాయి. వింక్ మ్యూజిక్, ఎక్స్‌ట్రీమ్ యాప్స్ కూడా యాక్సెస్ చేసుకోవచ్చు. అలాగే, ఇన్సురెన్స్ వంటి అనేక ప్రయోజనాలు అందిస్తోంది.

రెండు అద్భుత ప్లాన్స్

రూ.279, రూ.379 ప్రీపెయిడ్ ప్లాన్స్. వీటి వ్యాలిడిటీ 28 రోజులు, 4 రోజులు. ఈ రెండు ప్లాన్స్‌లోను అన్‌లిమిటెడ్ కాల్స్, డేటా, ఎస్సెమ్మెస్ సేవలతో పాటు ఇతర ప్రయోజనాలు ఉంటాయి. ఈ రెండు ప్లాన్స్‌కు ఉన్న తేడాను పేర్కొంది.

ఎయిర్‌టెల్ రూ.279 ప్లాన్

ఎయిర్‌టెల్ రూ.279 ప్రీపెయిడ్ ప్లాన్‌లో ఏ నెట్ వర్క్‌కు అయినా అన్‌లిమిటెడ్ కాల్స్ చేసుకోవచ్చు. రోజుకు 1.5 GB డేటా, రోజుకు 100 ఎస్సెమ్మెస్‌లు. వ్యాలిడిటీ 28 రోజులు. అలాగే, రూ.4 లక్షల HDFC లైఫ్ ఇన్సురెన్స్ కవర్ ఉంది.

ఎయిర్‌టెల్ రూ.379 ప్లాన్... అదనపు ప్రయోజనాలెన్నో

ఎయిర్‌టెల్ రూ.379 ప్లాన్ 84 రోజుల వ్యాలిడిటీ కలిగి ఉంటుంది. ఏ నెట్ వర్క్‌కు అయినా అన్‌లిమిటెడ్ కాల్స్ చేసుకోవచ్చు. 6GB డేటా, 900 ఎస్సెమ్మెస్‌లు ఉచితం. ఈ ప్లాన్‌పై మరో ప్రయోజనం కూడా ఉంది. ఈ ప్లాన్‌తో FASTag కొనుగోలుపై ఎయిర్‌టెల్ కస్టమర్లకు రూ.100 క్యాష్ బ్యాక్ ఆఫర్ ఉంది. వీటితో పాటు షా అకాడమీ నుంచి నాలుగు వారాల మ్యూజిక్ కోర్సు ఉచితం. వింక్ మ్యూజిక్, ఎయిర్‌టెల్ ఎక్స్‌ట్రీమ్, ప్రైమ్ సర్వీస్ సబ్‌స్క్రిప్షన్లను ఇస్తోంది. ఎయిర్‌టెల్ ఇటీవలే మినిమం మంత్లీ రీఛార్జ్ ప్లాన్‌ను రూ.45కు పెంచింది. రూ.558 ప్లాన్‌పై వ్యాలిడిటీని కుదించింది.