నిరుద్యోగిత రేటు తగ్గింది! షాకింగ్ రిపోర్ట్.. ఒక్క నెలలో కోట్లాది ఉద్యోగాలు పోయాయ్!

పెరుగుతున్న కార్మిక భాగస్వామ్యం, ఉపాధి కల్పన రేటు

గత కొద్ది వారాలుగా దశలవారీగా లాక్ డౌన్ ఎత్తివేయడంతో కార్మిక భాగస్వామ్యం 36.2 శాతం నుండి 37.6 శాతానికి పెరిగింది. ఉపాధి కల్పన రేటు 36.4 శాతం నుండి 28.6 శాతానికి పెరిగిందని ఈ నివేదిక తెలిపింది. CMIE నివేదిక ప్రకారం 20 ఏళ్ల నుండి 24 ఏళ్ల మధ్య 11 శాతం మంది ఉద్యోగాలు కోల్పోయారు. 2019-20లో దేశంలోని ఉద్యోగుల సంఖ్యలో వీరి వాటా 8.5 శాతంగా ఉంది. 2019-20లో మొత్తం 34.2 మిలియన్ల మంది యువత పని చేయగా, ఏప్రిల్ 2020 నాటికి ఈ సంఖ్య 20.9కి తగ్గింది.

కొత్త వర్క్ ఫోర్స్‌తో మళ్లీ పోటీ

ఈ డేటా ప్రకారం 25-29 ఏళ్ల మధ్య యువకులు 14 మిలియన్ల మంది ఉద్యోగాలు కోల్పోయారు. 2019-20లో ఉద్యోగుల సంఖ్యలో వీరి వాటా 11.1 శాతం ఉంది. ఇందులో 11.5 శాతం మంది ఉద్యోగాలు కోల్పోయారు. 20 నుండి 30 ఏళ్ల మధ్య ఉద్యోగాలు కోల్పోయిన వారిపై భారీ ప్రభావం ఉంటుందని, 27 మిలియన్ల మంది కోల్పోయారని ఆందోళన వ్యక్తం చేసింది. ఎందుకంటే కొత్తగా వచ్చే వర్క్ ఫోర్స్‌తో వారు మళ్లీ పోటీ పడాల్సి ఉంటుందని తెలిపింది.

ఉద్యోగాల కోత..

30 ఏళ్ల వయస్సు కలిగిన వారు 33 మిలియన్ల మంది ఏప్రిల్ నెలలో ఉద్యోగాలు కోల్పోయారు. ఇందులో 86 శాతం ఉద్యోగాలు కోల్పోయింది పురుషులు. ఉద్యోగాలు కోల్పోయిన వారిలో యువతే ఎక్కువగా ఉంది. మొత్తంగా 40 ఏళ్ల వరకు ఉన్నవారు 44 శాతం మంది గత ఆర్థిక సంవత్సరం నాటికి ఉద్యోగం చేస్తుండగా 52 శాతం మంది ఉద్యోగాలు కోల్పోయారు. 40 ఏళ్లకు పైగా ఉన్న వారు 56 శాతం ఉండగా 48 శాతం ఉద్యోగాలు కోల్పోయారు.