ఆ 22 మంది 1% సంపద పదేళ్ల పాటు ఇస్తే 117 మిలియన్ల ఉద్యోగాలు
దావోస్: ప్రపంచవ్యాప్తంగా కేవలం 22 కుబేరుల వద్దనే.. ఆఫ్రికాలోని అందరు మహిళల సంపద కంటే ఎక్కువగా ఉంది. ప్రపంచవ్యాప్తంగా ఉన్న 60 శాతం మంది జనాభా వద్ద ఉన్న సంపాదన కంటే ప్రపంచ బిలియనీర్ల వద్దే ఎక్కువగా ఉంది. ఈ మేరకు సోమవారం ఆక్స్ఫాం నివేదిక వెల్లడించింది. ప్రపంచంలోని అత్యంత ధనవంతుల్లో కేవలం 1 శాతం మంది పదేళ్ల పాటు తమ సంపదపై 0.5 శాతం అధిక పన్ను చెల్లిస్తే వృద్ధులు, బాలల సంక్షేమం, విద్య, వైద్యం వంటి రంగాల్లో 117 మిలియన్ల ఉద్యోగాలు సృష్టించవచ్చు.
మన బడ్జెట్ కంటే 63మంది బిలియనీర్ల సంపదే ఎక్కువ, సీఈవో స్థాయి శాలరీ కోసం 22,000 ఏళ్లు
ప్రపంచ ఆర్థిక సదస్సు (WEF) 50వ వార్షికోత్సవ సదస్సు ప్రారంభం కానున్న నేపథ్యంలో ఆక్స్ఫాం పలు కీలక అంశాలను వెల్లడించింది. ప్రపంచవ్యాప్తంగా ఆర్థిక అసమానతలు విస్తరిస్తున్నాయని ఆందోళన వ్యక్తం చేసింది. గత దశాబ్దకాలంలో బిలియనీర్ల సంఖ్య రెట్టింపయిందని తెలిపింది. గత ఏడాది కాలంగా వారి మొత్తం సంపదలో తగ్గుదల కనిపించినట్లు పేర్కొంది.
ప్రపంచవ్యాప్తంగా 2,153 మంది బిలియనీర్ల వద్ద 4.6 బిలియన్ పేదవారి వద్ద ఉన్న ఆస్తి కంటే ఎక్కువ సంపద ఉంది. ప్రపంచవ్యాప్తంగా 42 శాతం మంది మహిళలు ఉద్యోగాలు పొందలేదు. సంరక్షణ బాధ్యతల కారణంగా వారు ఉద్యోగం చేయడం లేదు. అదే సమయంలో పురుషుల విషయానికి వస్తే ఇది 6 శాతంగా ఉంది.
పేదరికంలో మహిళలు, యువతులు దిగువన ఉన్నారు. వీరు ప్రతి రోజు 12.5 బిలియన్ గంటలు ఎలాంటి వేతనం లేకుండా పని చేస్తున్నారు. ఈ లెక్కన కనీసం ఏడాదికి 10.8 ట్రిలియన్ల డాలర్లు అవుతుంది.