మందగమనానికి పలు కారణాలు

ప్రస్తుత మందగమనానికి పలు కారణాలు ఉన్నాయని బ్రిటనానియా ఇండస్ట్రీస్ మేనేజింగ్ డైరెక్టర్ వరుణ్ బెర్రీ అన్నారు. కేవలం గ్రామీణ ప్రాంతాల మార్కెట్లు మాత్రమే కాకుండా, సంపదను సృష్టించే అన్ని అంశాలు ప్రతికూలంగానే ఉన్నాయన్నారు. రియల్ ఎస్టేట్ మార్కెట్ గణనీయంగా పడిపోయిందని, ఇప్పుడు స్టాక్ మార్కెట్ కూడా అలాగే ఉందని చెబుతున్నారు.

వృద్ధి రేటు తగ్గించాయి.

ఇటీవల అంతర్జాతీయ ద్రవ్య నిధి, ఆసియన్ డెవలప్‌మెంట్ బ్యాంకులు వివిధ కారణాలను చూపుతూ భారతదేశ వృద్ధి రేటు అంచనాను తగ్గించాయని ఆర్థికవేత్తలు గుర్తు చేస్తున్నారు. ఈ ఏడాది భారత వృద్ధి రేటు 7 శాతం ఉంటుందని ఐఎంఎఫ్ అంచనా వేసిందని, అంతకుముందు ఇది 7.3 శాతంగా ఉందని చెబుతున్నారు. ఆర్థిక కొరత ఆందోళనల నేపథ్యంలో ఈ ఏడాది వృద్ధి రేటు అంచనాను ఏడీబీ 7 శాతానికి తగ్గించింది.

సంకేతాలు

ఆర్థిక వ్యవస్థ మందగమన సంకేతాలు కనిపిస్తున్నాయని, ఇది అన్ని పరిశ్రమల్లోను కనిపిస్తోందని డాబుర్ చైర్మన్ అమిత్ బర్మానీ అన్నారు. వాస్తవానికి ఎఫ్ఎంసీజీ ఇండస్ట్రీ వృద్ధి రెండేళ్ల కనిష్టానికి పడిపోయిందని, గ్రామీణ, అర్బన్ మార్కెట్లలో ఇది కనిపిస్తోందని చెప్పారు. దాదాపు రెండు సంవత్సరాలుగా కోర్ ద్రవ్యోల్భణం కనిష్ట స్థాయిలో ఉందని, ఇది వినియోగ డిమాండ్‌ను బలహీనపరిచిందని పరిశ్రమ వర్గాలు చెబుతున్నాయి. గ్రామీణ వేతనాల పెరుగుదల తక్కువగా ఉండటం, ఆలస్యమైన రుతుపవనాలు కూడా కారణమని చెబుతున్నారు. సమీప భవిష్యత్తులో బాగుంటుందని ఆశాభావం వ్యక్తం చేశారు.