రాష్ట్ర పథకాలకు ఇదే వర్తించేలా...

ఆధార్‌లో మార్పులు, ఇతర సవరణలకు ఆమోదం తెలిపింది. కేంద్రం అమలు చేస్తున్న రాయితీ పథకాలకు ఆధార్ కార్డుతో అనుసంధానం చేశామని, ఇదే విధానాన్ని రాష్ట్ర పథకాలకు కూడా వర్తింపజేయనున్నామని కేంద్రమంత్రి ప్రకాశ్ జవదేకర్ అన్నారు.

ఈ సమావేశంలో బిల్లు

128 కోట్ల మందికి ఆధార్ ఉందని, కాబట్టి ఎవరికీ ఇబ్బందులు ఉండవని చెప్పారు. అనర్హులు అనుచిత లబ్ధిపొందకుండా చూడవచ్చన్నారు. ఇందుకోసం చట్టంలో మార్పులు చేస్తామని, సవరణ బిల్లును ఈ సమావేశాల్లోనే తీసుకొస్తామన్నారు.

లబ్ధిదారులకు మరింత ప్రయోజనం

కేంద్ర ప్రభుత్వ ప్రాయోజిత పథకాల్లోని లబ్ధిదారుల ఆధార్ బయోమెట్రిక్ వివరాలను రాష్ట్ర ప్రభుత్వాలు వినియోగించుకోవచ్చునని ఇటీవల సుప్రీం కోర్టు తీర్పు ఇచ్చింది. ఈ నేపథ్యంలో ఆధార్, ఇతర చట్టాల (సవరణ) బిల్లులో మార్పులకు ఆమోదం తెలిపామన్నారు. ఇది లబ్ధిదారులకు మరింత ప్రయోజనం అవుతుందన్నారు. సబ్సిడీలు, ఇతర ఆర్థిక ప్రయోజనాలు కలుగుతాయన్నారు.