రెపో రేటును య‌థాత‌థంగా ఉంచిన రిజ‌ర్వ్ బ్యాంక్‌

News

oi-Chandrasekhar

పాల‌సీ రేట్ల స‌మీక్ష‌లో ఆర్‌బీఐ ఎటువంటి ఆశ్చ‌ర్యాల‌కు తావివ్వ‌లేదు. అంచనాలకు అనుగుణంగానే రెపో రేటును యథాతథంగా ఉంచుతూ ఆర్బీఐ నిర్ణయం తీసుకుంది. గురువారం జరిగిన ద్రవ్య విధాన సమావేశంలో రెపో రేటు 6.25 శాత

By Chandrasekhar

| Published: Thursday, April 6, 2017, 16:58 [IST]

పాల‌సీ రేట్ల స‌మీక్ష‌లో ఆర్‌బీఐ ఎటువంటి ఆశ్చ‌ర్యాల‌కు తావివ్వ‌లేదు. అంచనాలకు అనుగుణంగానే రెపో రేటును యథాతథంగా ఉంచుతూ ఆర్బీఐ నిర్ణయం తీసుకుంది. గురువారం జరిగిన ద్రవ్య విధాన సమావేశంలో రెపో రేటు 6.25 శాతం వద్దనే ఉంచుతున్నట్టు ప్రకటించింది. రివర్స్ రెపో రేటు మాత్రం 25 బోనస్ పాయింట్లు పెంచడంతో 6 శాతానికి పెరిగింది.

6 మందితో కూడిన ద్ర‌వ్య పాల‌సీ క‌మిటీ రెపో రేటును మార్చ‌కూడ‌ద‌ని నిర్ణ‌యం తీసుకుంది. రివ‌ర్స్ రెపోను మాత్రం 0.25 శాతం స్వ‌ల్పంగా పెంచారు. తద్వారా బ్యాంకింగ్‌ వ్యవస్థలో లిక్విడిటీకి చెక్‌ పెట్టాలని ఆర్‌బీఐ భావిస్తోంది. బ్యాంకులు రిజర్వ్‌ బ్యాంక్‌ వద్ద డిపాజిట్‌ చేసే నిధులకు లభించే వడ్డీ రేటు రివర్స్‌ రెపో 0.25 శాతం పెంపుతో ఇది 6 శాతంగా ఉండనుంది.
ఊర్జిత్‌ పటేల్‌ అధ్యక్షతన రెండు రోజులపాటు సమావేశమైన మానిటరీ పాలసీ కమిటీ(ఎంపీసీ) పరపతి నిర్ణయాలను ప్రకటించింది. దీంతో ద్వైమాసిక పాలసీ సమీక్షలో భాగంగా ఎంఎస్‌ఎఫ్‌ రేటును 6.50 శాతానికి తగ్గించింది.