ప్ర‌పంచ‌వ్యాప్తంగా సంతోషంగా జీవిస్తున్న దేశాల్లో భార‌త్ గ‌తేడాది కంటే 4 స్థానాలు దిగ‌జారి 122వ ర్యాంకు సాధించింది. ఈ విష‌యంలో మ‌న పొరుగు దేశాలైన చైనా,పాక్‌,నేపాల్ కంటే మ‌నం వెన‌కుండ‌టం విశేషం. ఐక్య‌రాజ్య‌స‌మితి ఈ ఏడాదికి గాను వ‌ర‌ల్డ్ హ్యాపినెస్ రిపోర్ట్ 2017 పేరిట రూపొందించిన నివేదిక‌లో నార్వే అత్యంత సంతోష‌క‌ర‌మైన దేశంగా ఉంది.

గ‌త నాలుగేళ్ల‌లో డెన్మార్క్ మూడుసార్లు మొద‌టిస్థానంలో నిల‌వ‌గా దాన్ని తోసిరాజ‌ని ఈసారి నార్వే మూడు స్థానాలు ఎగ‌బాకి ప్ర‌థ‌మ స్థానాన్ని సంపాదించింది. 2013-15 నివేదిక‌లో 118 ర్యాంకులో ఉన్న మ‌న దేశం ఈసారి 4 స్థానాలు దిగ‌జారి 122కు చేరింది. ఈ నివేదిక కోసం జీడీపీ ప‌ర్ క్యాపిటా, సామాజిక మ‌ద్ద‌తు, ఆరోగ్య‌క‌ర‌మైన జీవ‌న స్థితిగ‌తుల అంచ‌నా, జీవితంలో చేసే ప‌నికి అవ‌కాశాల ఎంపిక‌కు స్వేచ్చ‌, అవినీతి మొద‌లైన అంశాల‌ను ప‌రిగ‌ణ‌న‌లోకి తీసుకున్నారు. ఈ మొత్తం రిపోర్టులో చైనా(79), పాకిస్తాన్‌(80),బంగ్లాదేశ్‌(110), ఇరాక్‌(117), శ్రీ‌లంక‌(120) వంటి దేశాలు మ‌న కంటే ముందు నిలిచాయి. మార్చి 20న అంత‌ర్జాతీయ సంతోష దినం సంద‌ర్భంగా ఈ విష‌యాల‌ను బ‌య‌ట‌పెట్టారు.