WPI inflation: భారీగా పెరిగిన కూరగాయలు, గుడ్ల ధరలు
హోల్సేల్ ధరలు లేదా WPI ద్రవ్యోల్భణం పన్నెండేళ్ల గరిష్టం 14.23 శాతానికి చేరుకుంది. ప్రధానంగా ఆహార ధరలు పెరగడం తీవ్ర ప్రభావం చూపింది. అంతకుముందు అక్టోబర్ నెలలో ఈ ద్రవ్యోల్భణం ఐదు నెలల గరిష్టంతో 12.54 శాతం (ప్రొవిజనల్)కు చేరుకుంది. నవంబర్ నెలలో కూరగాయల ద్రవ్యోల్భణంతో పాటు గుడ్లు, మాసం ద్రవ్యోల్భణం కూడా భారీగా పెరిగింది. ప్రైమరీ ఆర్టికల్స్ ధరలు కూడా పెరిగాయి.
చమురు, పవర్ బాస్కెట్ ద్రవ్యోల్భణం నవంబర్ నెలలో 39.81 శాతానికి చేరుకుంది. అక్టోబర్ నెలలో ఇది 37.18 శాతంగా మాత్రమే ఉంది. ఫుడ్ ఇండెక్స్ అక్టోబర్ నెలలో 3.06 శాతంగా ఉండగా, నవంబర్ నెలలో రెండింతలు పెరిగి 6.70 శాతానికి చేరుకుంది. క్రూడ్ పెట్రోలియం ద్రవ్యోల్భణం అక్టోబర్ నెలలో 80.57 శాతం కాగా, నవంబర్ నెలలో 91.74 శాతం. మాన్యుఫ్యాక్చర్ ఐటమ్స్ మాత్రం అక్టోబర్ నెలలో 12.04 శాతం కాగా, నవంబర్ నెలలో 11.92 శాతానికి తగ్గింది.
WPI ద్రవ్యోల్భణం 14.2 శాతానికి చేరుకుందని, ఇది షాక్గా ఉందని ఇక్రా చీఫ్ ఎకనమిస్ట్ అదితి నాయర్ అన్నారు. నాన్-కోర్ కేటగిరీ ద్రవ్యోల్భణం రేటును ఊహించిన దాని కంటే చాలా ఎక్కువగా నమోదు చేశాయన్నారు. ప్రధానంగా కూరగాయలు, గుడ్లు, మాంసం, చేపలు ద్రవ్యోల్భణం భారీగా పెరిగిందని చెప్పారు. ప్రైమరీ ఫుడ్ ఇన్ప్లేషన్ నవంబర్ నెలలో 4.9 శాతంతో 13 నెలల గరిష్టానికి చేరుకుంది.