దూసుకుపోతున్న వాట్సాప్... లాభాలు ఎంత ఉన్నాయో తెలుసా?

లాభం రూ.57 లక్షలు

* రిజిస్ట్రార్ అఫ్ కంపెనీస్ (ఆర్ ఓ సి) కు సమర్పించిన వివరాల ప్రకారం 2019 ఆర్ధిక సంవత్సరంలో దేశంలో వాట్సాప్ రాబడి 6.84 కోట్లు ఉండగా లాభం 57.18 లక్షల రూపాయలుగా ఉందని ఎకనామిక్ టైమ్స్ పత్రిక కథనం పేర్కొంది.

* ఐటీ ఆధారిత బిజినెస్ ప్రాసెస్, అవుట్ సోర్సింగ్ సర్వీసులు ద్వారా రాబడి వస్తున్నట్టు కంపనీ పేర్కొంది.

* 2018 ఆర్థిక సంవత్సరంలో కాంప్ ఖర్చులు 5 లక్షల రూపాయలుండగా ఎలాంటి రాబడి రాలేదని తెలిపింది.

* దేశంలో పేమెంట్ సర్వీసులు అందించడానికి ప్రయత్నాలు చేస్తోంది. అయితే దీనికి రెగ్యులేటరీ పరమైన అనుమతులు రావాల్సి ఉంది.

బిజినెస్ యాప్ కు ఆదరణ

* వాట్సాప్ తన బిజినెస్ యాప్ ను ప్రారంభించిన ఏడాదిలోనే తొలి లాభాన్ని ప్రకటించింది. కంపెనీలు తమ కస్టమర్లతో సంబంధాలు పెంచుకోవడానికి ఈ బిజినెస్ యాప్ దోహదపడుతుంది.

* ప్రస్తుతం దేశంలో పది లక్షలమంది వాట్సాప్ బిజినెస్ యాప్ ను వాడుతున్నట్టు కంపెనీ చెబుతోంది.

* మొత్తంగా వాట్సాప్ కు 40 కోట్ల మంది వినియోగదారులు మన దేశంలో ఉన్నారు. ఈ కంపెనీకి మన దేశమే అతిపెద్ద మార్కెట్ గా ఉంది.

స్మార్ట్ ఫోన్లతో...

* స్మార్ట్ ఫోన్ల మార్కెట్ విస్తరిస్తున్న నేపథ్యంలో వాట్సాప్ వినియోగం కూడా జోరుగా పెరుగుతోంది. రానున్న కాలంలో పేమెంట్ సర్వీసులు కూడా ప్రారంభిస్తే వినియోగదారుల సంఖ్య ఇంకా పెరిగే అవకాశం ఉందని మార్కెట్ వర్గాలు భావిస్తున్నాయి.

ఎప్పటికప్పుడు అప్డేట్స్

* వాట్సప్ కొత్త కస్టమర్లను ఆకర్షించేందుకు పాత కస్టమర్లను కాపాడుకునేందుకు ఎప్పటికప్పుడు కొత్త ఫీచర్లను వాట్సప్ తెస్తోంది.

* ఇప్పటికే అనేక రకాల ఫీచర్లను తెచ్చింది. రానున్న కాలంలో మొబైల్ కాల్స్ మాదిరిగా కాల్ వెయిటింగ్ ఫీచర్న్ కూడా తీసుకురావాలనుకుంటోందట.

* కొంత కాలం తర్వాత మెస్సేజ్ లు డిలీట్ అయ్యే ఫీచర్ ను కూడా తీసుకురావాలనుకుంటోందట.

* డార్క్ మోడ్ ను కూడా తీసుకురావాలనుకుంటోందట.. దీని వల్ల ఎక్కువ సేపు వాట్సాప్ ను వినియోగించినా కాళ్లపై ఎక్కువ ప్రభావం పడకుండా ఉంటుంది.

* సెక్యూరిటీ పరంగా కూడా కొన్ని ఆరోపణలు వస్తున్న నేపథ్యంలో భద్రత ఫీచర్లను మరింత పటిష్టం చేయబోతోంది.

* మరిన్ని ఎక్కువ డివైస్ లకు కూడా సపోర్ట్ చేసే విధంగా సిద్ధమవుతోంది.