భారత్‌లో కొత్త యూనీకార్న్ స్టార్టప్ కార్స్24

గురుగ్రామ్‌కు చెందిన యూజ్డ్ కార్ల వెబ్ సైట్ CARS24 కొత్తగా యూనీకార్న్ క్లబ్‌లోకి ఎంటర్ అయింది. తాజా సిరీస్ ఈ-రౌండ్‌లో 200 మిలియన్ డాలర్లను సమీకరించింది. దీంతో కంపెనీ మార్కెట్ క్యాపిటలైజేషన్ 1 బిలియన్ డాలర్లు దాటింది. యురీ మిల్లర్‌కు చెందిన ఇన్వెస్ట్‌మెంట్ కంపెనీ డీఎస్టీ గ్లోబల్ నుండి భారీ మొత్తాన్ని సమీకరించింది. దీంతో యూనికార్న్ క్లబ్‌లో తాజాగా చేరింది.

ఈ సంస్థ సెకండ్ హ్యాండ్ కార్లను విక్రయిస్తుంది. కరోనా మహమ్మారి విజృంభించడంతో దేశీయంగా సెకండ్ హ్యాండ్ కార్లకు డిమాండ్ పెరిగింది. ప్రజలు పబ్లిక్ ట్రాన్సుపోర్ట్‌కు బదులు ప్రత్యామ్నాయ మార్గంగా సెకండ్ హ్యాండ్ కార్లను కొనుగోలు చేస్తున్నారు. దీంతో కార్స్24కు డిమాండ్ పెరిగింది. గత ఏడాదితో పోలిస్తే ఈసారి సెకండ్ హ్యాండ్ కార్ల విక్రయాల్లో దాదాపు 20 శాతం పెరుగుదలను నమోదు చేసింది.

వైరస్ నేపథ్యంలో భద్రతా కారణాలతో కార్లు లేని వారు సొంత కారు కోసం చూస్తున్నారని, ఎక్కువ ఖర్చు చేయలేనివారు సెకండ్ హ్యాండ్ కార్లు కొనుగోలు చేస్తున్నారు. బైకులు ఉన్నవారు కూడా ఫ్యామిలీతో వెళ్లడం కోసం కార్లు కొనుగోలు చేయాలని భావిస్తున్నారని చెబుతున్నారు.