భారీగా తగ్గిన నిరుద్యోగిత రేటు, జనవరి-మార్చిలో 8.2 శాతానికి డౌన్

భారత్‌లో నిరుద్యోగిత రేటు తగ్గుముఖం పడుతోంది. జనవరి - మార్చి 2022 కాలంలో 15 ఏళ్లు, అంతకంటే ఎక్కువ వయస్సు కలిగిన అర్బన్ ప్రాంతంలోని నిరుద్యోగిత రేటు 8.2 శాతానికి తగ్గింది. అంతకుముందు ఏడాది ఇదే త్రైమాసికంలో (జనవరి-మార్చి 2021)లో ఇది 9.3 శాతంగా నమోదయింది. ఈ మేరకు నేషనల్ స్టాటిస్టికల్ ఆఫీస్(NSO) లేబర్ ఫోర్స్ సర్వే వెల్లడిస్తోంది. NSO 14వ కార్మిక శక్తి సర్వే వివరాలు వెల్లడించింది.

జనవరి - మార్చి 2021లో నిరుద్యోగిత రేటు అత్యధికంగా నమోదయింది. అంతకుముందు సుదీర్ఘకాలం లాక్ డౌన్, కరోనా ఆంక్షల కారణంగా దీంతో గత క్యాలెండర్ ఏడాది మొదటి త్రైమాసికంలో అత్యధికంగా కనిపించింది. 2021 అక్టోబర్ - డిసెంబర్ కాలంలో నిరుద్యోగి రేటు 8.7 శాతంగా నమోదయింది. వార్షిక ప్రాతిపదికన, త్రైమాసికం ప్రాతిపదికన నిరుద్యోగిత రేటు తగ్గింది.

అర్బన్ మహిళల్లో నిరుద్యోగిత రేటు (15 ఏళ్లు, అంతకంటే ఎక్కువ) కూడా తగ్గింది. 2021 జనవరి - మార్చి కాలంలో 11.8 శాతంగా ఉండగా, 2022 ఇదే కాలంలో 10.1 శాతానికి క్షీణించింది. 2021 అక్టోబర్-డిసెంబర్ కాలంలో 10.5 శాతంగా నమోదయింది. మహిళా నిరుద్యోగిత రేటు కూడా ఏడాది ప్రాతిపదికన, త్రైమాసికం ప్రాతిపదికన తగ్గింది.

జనవరి-మార్చి 2021లో పురుషుల నిరుద్యోగిత రేటు 8.6 శాతంగా ఉండగా, ఇప్పుడు 2022లో మాత్రం 7.7 శాతానికి తగ్గింది. త్రైమాసికం పరంగా చూసినా అక్టోబర్-డిసెంబర్-2021 కాలం నాటి 8.3 శాతంతో పోలిస్తే తగ్గింది. పట్టణాల్లో నిరుద్యోగిత రేటు 47.3 శాతానికి తగ్గింది. ఏడాది క్రితం ఇదే కాలంలో ఇధి 47.5 శాతంగా ఉంది. గత ఏడాది చివరి త్రైమాసికంలో ఇది 47.3 శాతంగా నమోదయింది.