Click it and Unblock the Notifications
న్యూఢిల్లీ: టాప్ కార్ మేకర్స్ కంపెనీ టాటా మోటార్స్.. భారతీయ మార్కెట్లో కొత్త లగ్జరీ వాహనాన్ని లాంచ్ చేసింది. టాటా సఫారీ గోల్డ్ ఎడిషన్ కారును దేశీయ మార్కెట్లో ఆవిష్కరించింది. ఈ కారు బేసిక్ ధర 21.89 లక్షల రూపాయలు. ఇది ఎక్స్ షోరూమ్ ప్రైస్. ఈ కొత్త స్పెషల్ ఎడిషన్ ఎస్యూవీ కారు రెండు మోడళ్లలోనూ అంటే మ్యానువల్ గేర్, ఆటోమేటిక్లల్లో అందుబాటులో ఉంటుంది. ఆటోమేటిక్ కార్ల సెక్టార్లో హైఎండ్, అత్యధిక ధర ఉన్న సెక్టార్లో ఉన్న పోటీని ఎదుర్కొనడానికి ఈ మోడల్ను లాంచ్ చేసింది టాటా మోటార్స్.
21 లక్షల నుంచి..
కారు బుకింగ్స్ కూడా ప్రారంభం అయ్యాయి. టాటా మోటార్స్ అధికారిక వెబ్సైట్ ద్వారా కార్లను బుక్ చేసుకునే వసతి ఉంది. డెలివరీ మొదలు కావడానికి ఇంకో నెలరోజుల సమయం పట్టే అవకాశాలు ఉన్నాయి. దసరా పండుగ ప్రారంభంలో ఈ టాటా సఫారీ గోల్డ్ కారు డెలివరీ ఉండొచ్చని మార్కెట్ వర్గాలు అంచనా వేస్తోన్నాయి. టాటా సఫారీ ఎక్స్జెడ్ గోల్డ్ ప్లస్ మోడల్ కారు మాన్యువల్ మోడ్లో లభిస్తుంది. దీని ధర 21.89 లక్షల రూపాయలు. సఫారీ ఎక్స్జెడ్ఏ ప్లస్ గోల్డ్ వేరియంట్ ఆటోమేటిక్. దీని బేసిక్ ప్రైస్ 23.17 లక్షల రూపాయలుగా నిర్ధారించింది టాటా మోటార్స్ కంపెనీ మేనేజ్మెంట్.
అట్రాక్టివ్ కలర్స్..
టాటా మోటార్స్ కొత్త సఫారీ గోల్డ్ ఎడిషన్ ప్రస్తుతానికి రెండు రంగుల్లో మాత్రమే అందుబాటులో ఉంటుంది. వైట్ గోల్డ్ బ్లాక్, గోల్డ్ వైట్ గోల్డ్ కాంబినేషన్లో అందుబాటులో ఉంటాయి. వైట్ గోల్డ్ కలర్ స్కీమ్లో ప్రీమియం ఫ్రాస్ట్ వైట్ బాడీ పెయింట్, బ్లాక్ కాంట్రాస్టింగ్ రూఫ్తో లభిస్తుంది. ఇందులోని గ్రిల్, హెడ్ల్యాంప్ సరౌండ్స్, రూఫ్ రెయిలింగ్స్, డోర్ హ్యాండిల్స్, టాటా అండ్ సఫారీ బ్యాడ్జ్లపై గోల్డ్ కలర్లో మెరిసిపోతూ కనిపిస్తాయి. బ్లాక్ గోల్డ్ కలర్ స్కీమ్లో బయటి వైపు మొత్తం కాఫీ బీన్ బ్లాక్ ఎక్స్టీరియర్ను కలిగి ఉంటుందీ మోడల్.
వెంటిలేషన్పై ఫోకస్..
ఇందులో కూడా గ్రిల్, హెడ్ల్యాంప్ సరౌండ్స్, రూఫ్ రెయిలింగ్స్, డోర్ హ్యాండిల్స్, టాటా అండ్ సఫారీ బ్యాడ్జ్లపై గోల్డ్ కలర్ యాక్సెంట్స్ ఉంటాయి. టాటా సఫారీ గోల్డ్ ఎడిషన్ కారు టైర్ల కోసం కంపెనీ 18 అంగుళాల చార్కోల్ బ్లాక్ అల్లాయ్ వీల్స్ను ఉపయోగించింది. ఇందులో అధునాతన ఫీచర్స్ ఉంటాయి. లెదర్ సీట్లు, ఫస్ట్, సెకెండ్ రోలల్లో వెంటిలేషన్, వైర్లెస్ ఛార్జర్, ఎయిర్ ప్యూరిఫయర్, ఆండ్రాయిడ్ ఆటో ఓవర్ వై-ఫై, ఆపిల్ కార్ప్లే వంటి ఫీచర్లను అందుబాటులోకి తీసుకొచ్చింది టాటా మోటార్స్ కంపెనీ.
ఐపీఎల్లో డిస్ప్లే..
యునైటెడ్ అరబ్ ఎమిరేట్స్ వేదికగా ఆదివారం నుంచి ప్రారంభం కాబోతోన్న ఇండియన్ ప్రీమియర్ లీగ్ సెకెండ్ ఫేస్ ఈ రెండు కార్లను కూడా డిస్ప్లే కోసం ఉంచబోతోంది. ఈ సీజన్లో 'సఫారీ గోల్డ్ హిట్ ఛాలెంజ్' ను కూడా టాటా మోటార్స్ ప్రవేశపెట్టింది. ఓ బ్యాట్స్మెన్ సిక్స్ కొట్టినప్పుడు బంతి కారు లేదా కారు డిస్ప్లే పోడియం లేదా సఫారీ గోల్డ్ అనే ఎల్ఈడీ కమర్షియల్ బోర్డ్ను తాకిన ప్రతీసారీ కూడా టాటా మోటార్స్ కంపెనీ మేనేజ్మెంట్- అక్షయ పాత్ర ఫౌండేషన్కు రెండు లక్షల రూపాయలను విరాళంగా అందిస్తుంది.
మార్పుల్లేని ఇంజిన్..
కొత్త సఫారీ గోల్డ్ ఇంజిన్లో పెద్దగా ఎలాంటి మార్పులు కూడా చోటు చేసుకోలేదు. ఇందులో 2.0 లీటర్ టర్బోచార్జ్డ్ డీజిల్ ఇంజిన్ను వాడారు. ఇంజిన్ 170 బిహెచ్పి పవర్ రిలీజ్ చేస్తుంది. 350 న్యూటన్ మీటర్ టార్క్ అందిస్తుంది. ఈ ఇంజన్ 6-స్పీడ్ మాన్యువల్, 6-స్పీడ్ టార్క్ కన్వర్టర్ ఆటోమేటిక్ గేర్బాక్స్తో పనిచేస్తుంది. ఆటోమేటిక్ సెక్టార్లో నెలకొన్న పోటీని ఎదుర్కొనడానికి టాటా మోటార్స్ మేనేజ్మెంట్- ఈ రెండు వేరియంట్లలో కొత్త సఫారీ గోల్డ్ ఎడిషన్లను విడుదల చేసింది.
More From GoodReturns
ఒక్కసారిగా పెరిగిన బంగారం ధర .. రేట్లు చూసి పసిడి ప్రియులు లబోదిబో.. మార్చి 7, శనివారం ధరలు ఇవే..
SSY PPF: మార్చి 31 లోపు ఈ పనులు పూర్తి చేయండి.. లేదంటే మీ పొదుపు ఖాతాలు నిలిచిపోతాయి!
బంగారం ధరలు ఈ స్థాయికి వస్తేనే కొనడానికి వెళ్లండి.. పసిడి ధరలపై ఆర్థిక నిపుణులు కీలక సూచన..
వెనిజులా నుండి అమెరికాకు 100 మిలియన్ డాలర్ల బంగారం.. బులియన్ మార్కెట్లో నెలకొన్న హైప్..
Hyderabad: హైదరాబాద్లో సంచలనం సృష్టిస్తున్న రాపిడో.. రోజుకు లక్షల రైడ్లు ఎలా సాధ్యం?
Bengaluru: ఒకే వీధి.. రెండు ప్రపంచాలు.. బెంగళూరులోని ఆ వీధికి విదేశీయుడు ఫిదా!
బంగారంతో పోలాండ్ సరికొత్త ప్లాన్..ప్రపంచ దేశాలు షాక్.. యుద్ద సామాగ్రిపై కీలక ప్రకటన..
ఒక్కసారిగా తగ్గిన బంగారం ధర .. తగ్గిన రేట్లతో పసిడి ప్రియుల్లో జోష్.. మార్చి 9, సోమవారం ధరలు ఇవే..
Stock market: స్టాక్ మార్కెట్ ఇన్వెస్టర్లకు అలర్ట్.. సోమవారం భారీ పతనం తప్పదా?
బంగారం ధరలు ఈ రోజు కూడా తగ్గాయి.. కొనుగోలుపై బులియన్ నిపుణులు కీలక సూచన.. మార్చి 5, గురువారం ధరలు ఇవే..
Gold: నిశ్శబ్దంగా ఉన్న బంగారం మార్కెట్.. బ్యాంకుల వ్యూహం మారింది, ఇన్వెస్టర్లు జాగ్రత్త!
Sign in with Google