అమెరికా లాభాల ఎఫెక్ట్: నిన్న ప్రాఫిట్ బుకింగ్, నేడు ఊగిసలాటలో మార్కెట్లు

సెన్సెక్స్ పైకి కిందకు..

సెన్సెక్స్ ఉదయం 49,868.53 పాయింట్ల వద్ద ప్రారంభమై, 49,942.84 వద్ద గరిష్టాన్ని, 49,478.53 పాయింట్ల వద్ద కనిష్టాన్ని తాకింది. క్రితం సెషన్‌లో 49,509 పాయింట్లవద్ద ముగిసింది. నిఫ్టీ 14,798.40 పాయింట్ల వద్ద ప్రారంభమై, 14,814.65 వద్ద గరిష్టాన్ని, 14,692.45 వద్ద కనిష్టాన్ని తాకింది. మధ్యాహ్నం గం.11.15 సమయానికి సెన్సెక్స్ 82.16 (0.17%) పాయింట్లు ఎగిసి 49,591 పాయింట్ల వద్ద ట్రేడ్ అయింది.

నిఫ్టీ 27.15 (0.18%) పాయింట్లు ఎగిసి 14,726 పాయింట్ల వద్ద ట్రేడ్ అయింది. సెన్సెక్స్ ఓ సమయంలో 400 పాయింట్లకు పైగా లాభపడింది. మధ్యాహ్నం స్వల్పంగా 30 పాయింట్ల నష్టాల్లోకి వెళ్లింది. ఆ తర్వాత మళ్లీ పుంజుకొని 100 పాయింట్లు ఎగిసింది.

టాప్ గెయినర్స్, టాప్ లూజర్స్

నేటి టాప్ గెయినర్స్ జాబితాలో JSW స్టీల్ 5.18 శాతం, హిండాల్కో 3.17 శాతం, టాటా స్టీల్ 2.80 శాతం, బజాజ్ ఆటో 2.18 శాతం, హీరో మోటో కార్ప్ 1.90 శాతం లాభపడ్డాయి.

టాప్ లూజర్స్ జాబితాలో HDFC లైఫ్ 1.88 శాతం, మహీంద్రా అండ్ మహీంద్రా 1.41 శాతం, HDFC బ్యాంకు 0.93 శాతం, నెస్ట్లే 0.86 శాతం, హిందూస్తాన్ యూనీ లీవర్ 0.68 శాతం నష్టపోయాయి.

మోస్ట్ యాక్టివ్ స్టాక్స్‌లో టాటా స్టీల్, HDFC బ్యాంకు, టీసీఎస్, JSW స్టీల్, టాటా మోటార్స్ ఉన్నాయి.

అమెరికా మార్కెట్ లాభాల్లో

అమెరికాలో భారీ ఆర్థిక ప్యాకేజీని ప్రకటించడంతో అగ్రరాజ్యం టెక్ కంపెనీల షేర్లు లాభాల్లో ఉన్నాయి దీంతో నిన్న వాల్‌స్ట్రీట్ మంచి లాభాల్లో ముగిసింది. ఆ ప్రభావం దేశీయ స్టాక్ మార్కెట్ల పైన పడింది. దీంతో ఆసియా, ఆస్ట్రేలియా మార్కెట్లు లాభాల బాటలో ఉన్నాయి. నిక్కీ, హాంగ్‌షెంగ్ సూచీలు సానుకూలంగా కదలాడుతున్నాయి. అలాగే, ఇక్కడ నిన్న ప్రాఫిట్ బుకింగ్ జోరు కనిపించింది. ఈ రోజు తిరిగి ఊగిలటలో ఉన్నాయి.