తగ్గిన పెట్రోల్, డీజిల్ ధరలు: ఆంధ్రప్రదేశ్‌లో నేటి నుండి మరింత భారం

అంతర్జాతీయంగా క్రూడాయిల్ ధరలు తగ్గుతున్నాయి. దీంతో దేశీయంగా పెట్రోల్, డీజిల్ ధరలు ఆదివారం స్వల్పంగా తగ్గాయి. లీటర్ పెట్రోల్ పైన 17 పైసలు, లీటర్ డీజిల్ పైన 21 పైసలు తగ్గింది. దీంతో ఢిల్లీలో లీటర్ పెట్రోల్ ధర రూ.71.71, ముంబైలో రూ.77.40, కోల్‌కతాలో రూ.74.38, చెన్నైలో రూ.74.51గా ఉంది. డీజిల్ ధర లీటర్ ఢిల్లీలో రూ.64.30, ముంబైలో రూ.67.34, కోల్‌కతాలో రూ.66.63, చెన్నైలో రూ.67.86గా ఉంది.

ఇదిలా ఉండగా ఆంధ్రప్రదేశ్‌లరో పెట్రోల్, డీజిల్‌పై వ్యాట్‌లో సవరణలు చేస్తూ రాష్ట్ర ప్రభుత్వం శనివారం ఉత్తర్వులు జారీ చేసింది. లీటర్ పెట్రోల్ పైన ఇప్పటి వరకు 31 శాతం వ్యాట్‌తో పాటు అదనంగా రూ.2 వసూలు చేసేవారు. ఉత్తర్వుల మేరకు ఇక నుండి వ్యాట్‌తో పాటు రూ.2.76 వసూలు చేస్తారు. అంటే లీటర్ పెట్రోల్ పైన 76 పైసలు పెరుగుతుంది.

అదేవిధంగా డీజిల్ లీటర్ పైన వ్యాట్ ప్లస్ రూ.2గా ఇప్పటి వరకు ఉంది. ఇక నుండి వ్యాట్ ప్లస్ 3.07గా సవరించారు. వ్యాట్ 22.25 శాతం వ్యాట్ ఉంది. ఇక నుండి లీటర్ డీజిల్ పైన రూ.1.07 పెరగనుంది. ఈ పెరుగుదల మార్చి 1 (ఆదివారం, నేటి నుండి) అమలులోకి వచ్చాయి.