హౌసింగ్ ఫైనాన్సింగ్ కంపెనీలకు మినహాయింపులు రద్దు

ముంబై: హౌసింగ్ ఫైనాన్సింగ్ కంపెనీలకు రిజర్వ్ బ్యాంక్ ఆఫ్ ఇండియా (RBI) షాకిచ్చింది. వీటికి ఇస్తున్న కొన్ని రకాల మినహాయింపులను రద్దు చేసింది. నాన్ బ్యాంకింగ్ ఫైనాన్షియల్ సంస్థలతో సమానంగా వీటికి నిబంధనలు విధించింది. ఫైనాన్స్ యాక్ట్ 2019లో మార్పులు చేసి ది నేషనల్ బ్యాంకు చట్టం 1987ను సవరించిన అనంతరం ఆర్బీఐ ఈ నిర్ణయం తీసుకుంది. ఈ సవరణతో హౌసింగ్ ఫైనాన్సింగ్ సంస్థల నిబంధనల్ని సవరించే అధికారం ఆర్బీఐకి వచ్చింది.

1934 ఆర్బీఐ చట్టంలోని చాప్టర్ ఐఐఐబీ నుంచి మినహాయింపు ఉంది. తాజాగా ఆర్బీఐ నిర్వహించిన సమీక్షలో ఈ మినహాయింపును తొలగించాలని నిర్ణయించారు. దీంతో హౌసింగ్ ఫైనాన్సింగ్ కంపెనీలు రుణాలను చెల్లించలేవని ఆర్బీఐ భావించినా లేదా ప్రజాప్రయోజనాలకు భంగకరం అని భావించినా ఆ సంస్థను క్లోజ్ చేసే అధికారం ఉంది. సంస్తను మూసివేయమని ఆదేశించే అధికారం ఉంటుంది.

దీంతో పాటుఆయా సంస్థలు ఆర్బీఐకి ఇచ్చిన నివేదికల్లోని అంశాలు సరైనవో కాదో తనిఖఈ చేసే అధికారం కూడా ఉంటుంది. దీంతో ఆయా హౌసింగ్ ఫైనాన్సింగ్ కంపెనీలు ప్రతి ఏటా డివిడెండును ప్రకటించడానికి ముందే కనీసం 20% నిధులను రిజర్వ్ నిధికి తరలించాలి.