పెరిగిన సిలిండర్ ధరలు: హైదరాబాద్‌లో ఎంత అంటే? LPGపై వీటి ప్రభావం

2న నెలల్లో రూ.225 జంప్ ఇలా

గత ఏడాది డిసెంబర్ నుండి ధరలు రూ.225 పెరిగాయి. డిసెంబర్ 1న సిలిండర్ ధర రూ.50 పెరిగి రూ.594 నుండి రూ.644కు చేరుకుంది. ఆ తర్వాత జనవరి 1వ తేదీన మరో రూ.50 పెరిగి రూ.644 నుండి రూ.694కు చేరుకుంది. సాధారణంగా చమురురంగ కంపెనీలు ప్రతి నెల 1వ తేదీన గ్యాస్ సిలిండర్ ధరలను సమీక్షిస్తాయి. ఇందులో భాగంగా డిసెంబర్ 1, జనవరి 1న పెరిగాయి. అయితే ఆ తర్వాత ఫిబ్రవరి 1న ధరల్లో మార్పులేదు. కానీ ఫిబ్రవరి 4వ తేదీన రూ.25 పెరిగి రూ.719కి చేరుకుంది. ఫిబ్రవరి 15న మరో రూ.15 పెరిగి రూ.769కి, ఫిబ్రవరి 25న రూ.25 పెరిగి రూ.794, తాజాగా మరో రూ.25 పెరిగి రూ.819కి చేరుకుంది. మొత్తం రెండు నెలల్లో రూ.225 పెరిగింది.

హైదరాబాద్‌లో ధర ఎంతంటే

కమర్షియల్ సిలిండర్ పైన తాజాగా రూ.95 పెరగడంతో ఒక సిలిండర్ ధర రూ.1614కు చేరుకుంది. ధరలు పెరిగిన అనంతరం వంట గ్యాస్ సిలిండర్ ధర హైదరాబాద్‌లో రూ.846.50 నుండి రూ.871.50కి చేరుకుంది. బెంగళూరులో రూ.823, చెన్నైలో రూ.835, ముంబైలో రూ.819 కోల్‌కతాలో రూ.845కు చేరుకుంది. మెట్రో నగరాల్లో హైదరాబాద్, కోల్‌కతాల్లో ధరలు ఎక్కువగా ఉన్నాయి.

గ్యాస్ ధరలపై ఈ ప్రభావం

ఏడాదికి 12 ఎల్పీజీ సిలిండర్లు సబ్సిడీ మీద అందుతాయి. 12 సిలిండర్లు దాటితే ఆ తర్వాత మార్కెట్ ధర ప్రకారం కొనుగోలు చేయవలసి ఉంటుంది.

పెట్రోల్, డీజిల్ ధరలు దేశంలో ఆల్ టైమ్ గరిష్టాన్ని తాకాయి. రాజస్థాన్, మధ్యప్రదేశ్ రాష్ట్రాల్లోని కొన్ని ప్రాంతాల్లో పెట్రోల్ లీటర్ ధర రూ.100 పైకి చేరుకుంది. దాదాపు అన్ని మెట్రో నగరాల్లో రూ.90 క్రాస్ చేసింది. ఇదే సమయంలో ఎల్బీజీ కూడా పెరుగుతోంది. క్రూడాయిల్, ఫారెన్ ఎక్స్చేంజ్ ధరలు గ్యాస్ సిలిండర్ ధరలపై ప్రభావం చూపుతాయి.