పదో ఇన్వెస్టర్‌తో రూ.1,04,327 కోట్లు: జియోలో అంబానీ ఎంత విక్రయించారంటే?

పదో పెట్టుబడితో రూ.1,04,327 కోట్లు

రూ.4.91 లక్షల కోట్ల ఈక్విటి వ్యాల్యూ, రూ.5.16 లక్షల కోట్ల ఎంటర్‌ప్రైజ్ వ్యాల్యూ వద్ద ఈ పెట్టుబడులు వచ్చాయి. జియోలో టీపీజీ 0.93 శాతం వాటాను కొనుగోలు చేస్తుండగా, ఎల్-కేటర్టన్ 0.39 శాతం వాటాను దక్కించుకుంటోంది. ఈ పదో పెట్టుబడితో రిలయన్స్ జియోలోకి రూ.1,04,326.90 కోట్లు వచ్చాయి.

ఇదీ ఎల్-కాటర్టన్

ఎల్-కాటర్టన్ ప్రపంచవ్యాప్తంగా కన్స్యూమర్ కేంద్రీకృత బ్రాండ్స్‌లో పెట్టుబడులు పెట్టేందుకు ఆసక్తి చూపిస్తుంది. 30 ఏళ్లుగా సంవత్సరాలుగా మంచి ట్రాక్ రికార్డు ఉంది. పెట్టుబడుల ద్వారా కొన్ని వినూత్న బ్రాండ్స్‌ను ముందు నిలపడానికి ఎల్-కాటర్టన్ తోడ్పడింది. పెలోటోన్, వ్రూమ్, క్లాస్‌పాస్, ఓన్‌డేస్, ఫ్యాబ్ఇండియా వంటి వివిధ సంస్థల్లో పెట్టుబడి పెట్టింది. ఈ ప్రయివేట్ ఈక్విటీ దిగ్గజం (PE giant) ప్రపంచవ్యాప్తంగా దాదాపు 20 బిలియన్ డాలర్ల వరకు ఇన్వెస్ట్ చేసింది.

22.38 శాతం వాటా విక్రయించిన జియో

ఇప్పటి వరకు జియో ప్లాట్‌ఫామ్స్‌లో 22.38 శాతం వాటాను విక్రయించింది రిలయన్స్ ఇండస్ట్రీస్. ఈ వాటా విక్రయాల ద్వారా రూ.1,04,326.90 కోట్లు సమీకరించింది. ఏప్రిల్ 22న ఫేస్‌బుక్ - జియో డీల్‌తో ఈ పెట్టుబడుల రాకడ ప్రారంభమైంది. జియో ప్లాట్‌ఫాంలో మరో ఏడు నుండి 8 శాతం విక్రయించే అవకాశాలు కనిపిస్తున్నాయి.

- ఫేస్‌బుక్ - రూ.43,573.62 కోట్లు - 9.99 శాతం వాటా

- సిల్వర్ లేక్ పార్ట్‌నర్స్ - రూ.5,655.75 కోట్లు - 1.15 శాతం వాటా

- విస్టా ఈక్విటీ పార్ట్‌నర్స్ - రూ.11,367.00 కోట్లు - 2.32 శాతం వాటా

- జనరల్ అట్లాంటిక్ - రూ.6,598.38 కోట్లు - 1.34 శాతం వాటా

- కేకేఆర్ - రూ.11,367.00 కోట్లు - 2.32 శాతం వాటా

- ముబాదాల - రూ.9,093.60 కోట్లు - 1.85 శాతం వాటా

- సిల్వర్ లేక్ (రెండోసారి) - రూ.4,546.80 కోట్లు - 0.93 శాతం వాటా

- ADIA - రూ.5,683.50 కోట్లు - 1.16 శాతం వాటా

- TPG - రూ.4,546.8 కోట్లు - 0.93 శాతం వాటా

- ఎల్-కేటర్టన్ - రూ.1,894.50 కోట్లు - 0.39 శాతం వాటా