జనవరి-మార్చిలో హౌసింగ్ సేల్స్ జంప్, హైదరాబాద్‌లో ఇళ్ల అమ్మకాల జోరు

హౌసింగ్ సేల్స్ పెరిగాయి..

ఎనిమిది ప్రధాన మార్కెట్‌లలో (8 ముఖ్య నగరాలు) హౌసింగ్ సేల్స్ జనవరి - మార్చి త్రైమాసికంలో పెరిగాయి. ఈ మేరకు ప్రోప్ టైగర్ తన రియల్ ఇన్-సైట్ Q1CY21లో పేర్కొంది. 2021 క్యాలెండర్ ఏడాది జనవరి-మార్చి కాలంలో 66,176 ఇళ్లు సేల్ అయ్యాయి. Q1CY20తో పోలిస్తే హోమ్ సేల్స్ 5 శాతం క్షీణించాయి. త్రైమాసికం ప్రాతిపదికన మాత్రం అంటే అక్టోబర్-డిసెంబర్ త్రైమాసికంతో పోలిస్తే మాత్రం 12 శాతం పెరిగింది.

హైదరాబాద్‌లో ఇళ్ల అమ్మకాలు

హైదరాబాద్ నగరంలో 2020 జనవరి-మార్చిలో 5,554 ఇళ్లు, ఫ్లాట్లు విక్రయించగా, ఈ ఏడాది ఇదే సమయంలో 38 శాతం పెరిగి 7,721కు చేరాయని ప్రోప్ టైగర్ తెలిపింది. ఈ కాలంలోనే దేశవ్యాప్తంగా ఇళ్ల అమ్మకాలు 5 శాతం క్షీణించినట్లు వెల్లడించింది. ఎనిమిది పెద్ద నగరాల్లో గృహ విక్రయాల తీరుతెన్నులపై ప్రాప్ టైగర్ నివేదిక రూపొందించింది.

కొత్త లాంచింగ్స్

జనవరి-మార్చి త్రైమాసికంలో భారత్ వ్యాప్తంగా 53,037 యూనిట్లు లాంచ్ అయ్యాయి. ఏడాది ప్రాతిపదికన ఈ వృద్ధి 49 శాతంగా ఉంది. త్రైమాసికం ప్రాతిపదికన మాత్రం 2 శాతం క్షీణించాయి. కాగా, 2021 జనవరి-మార్చిలో దేశవ్యాప్తంగా 66,176 ఇళ్లు, ఫ్లాట్లు విక్రయించగా, ఏడాది క్రితం ఈ సంఖ్య 69,555గా ఉంది. అయితే ఈ ఎనిమిది నగరాల్లో అమ్మకాలు 29 శాతం పెరిగినట్లు అనరాక్ వెల్లడించింది. 44 శాతం వృద్ధి కనిపించినట్లు నైట్ ఫ్రాంక్ సంస్థ వెల్లడించింది.