EPFO Enrolments: ఫిబ్రవరిలో తగ్గిన 3.4% తగ్గిన ఉపాధి
ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) ప్రకారం ఫిబ్రవరి నెలలో కొత్త ఎన్రోల్మెంట్స్ తగ్గాయి. అంతకుముందు నెలలో 10.71 లక్షలు నమోదు కాగా, ఫిబ్రవరి 2020లో 10.34 లక్షలకు (3.4 శాతం) పడిపోయింది. అదే సమయంలో 2019-20 ఆర్థిక సంవత్సరంలో ఏప్రిల్ నుంచి ఫిబ్రవరి వరకు చూస్తే నికరంగా 76.53 లక్షల మందికి ఉద్యోగాలు లభించాయి.
అంతక్రితం ఆర్థిక ఏడాది ఇదే కాలంలో ఈ నమోదు రేటు 61.12 లక్షలతో పోలిస్తే మెరుగ్గా ఉన్నట్లు కనిపిస్తోంది. నూతన సభ్యుల నమోదు గణాంకాలను ఈపీఎఫ్వో సంస్థ 2018 ఏప్రిల్ నుంచి ఎప్పటికి అప్పుడు విడుదల చేస్తోంది. సెప్టెంబర్ 2017 నుండి ఫిబ్రవరి 2020 మధ్య నికర సబ్స్క్రైబర్స్ 1.53 కోట్లుగా ఉన్నట్లు డేటా చూపించింది.
సెప్టెంబర్ 2017 నుండి మార్చి 2018 మధ్య 15.52 లక్షల మంది నమోదు చేసుకున్నారు. ఉద్యోగుల రికార్డ్స్ అప్ డేట్ నిరంతర ప్రక్రియ కాబట్టి పేరోల్ డేటా ప్రస్తుతానికి తాత్కాలికమేనని ఈపీఎఫ్ఓ వెల్లడించింది. కరోనా మహమ్మారి కారణంగా పెద్ద ఎత్తున ఉద్యోగాలు పోతాయనే భయాలు నెలకొన్న విషయం తెలిసిందే.
మేమెంతో చేశాం: భారత్ FDI కీలక సవరణలపై చైనా అసహనం