Deepinder Goyal: జోమాటో వ్యవస్థాపకుడు దీపిందర్ గోయల్ వద్ద ఎన్ని కార్లున్నాయో తెలుసా..!

భారతదేశంలో అత్యధిక సంఖ్యలో వినియోగదారులను కలిగి ఉన్న ఫుడ్ డెలివరీ యాప్‌లలో జోమాటో ఒకటి. జొమాటోను పంజాబ్‌కు చెందిన దీపిందర్ గోయల్(Deepinder Goyal) స్థాపించారు. జోమాటో ప్రపంచవ్యాప్తంగా 10,000 నగరాల్లో 14 లక్షల మంది Zomatoని ఉపయోగిస్తున్నారు. పంజాబ్‌లో ఒక సాధారణ ఉపాధ్యాయ దంపతులకు జన్మించిన దీపిందర్ గోయల్ నేడు 2,030 కోట్లకు అధిపతిగా ఉన్నాడు. ఏడాదికి 3 కోట్లకు పైగా సంపాదిస్తున్నాడు. అతనికి లగ్జరీ కార్లంటే చాలా ఇష్టం. దీపిందర్ గోయల్ కు ఎన్ని లగ్జరీ కార్లు ఉన్నాయో చూద్దాం.

జొమాటో ప్రధాన కార్యాలయం ఉన్న హర్యానాలోని గురుగ్రామ్ రోడ్లపై ఫెరారీ రోమా తరచుగా అరుస్తూ కనిపిస్తుంది. ఇది దీపిందర్ గోయల్ వాహనమే. ఈ ఎరుపు రంగు ఫెరారీ దీపిందర్ గోయల్‌కు ఇష్టమైన వాహనాల్లో ఒకటని చెబుతుంటారు. మార్కెట్‌లో దీని ధర రూ.3.76 కోట్లుగా ఉంది. ఈ వాహనానికి 620 హెచ్‌పి బీస్ట్లీ ఇంజన్ ఉంటుంది.

దీపిందర్ గోయల్ కు పోర్స్చే 911 టర్బో S కారు కూడా ఉంది. పోర్స్చే రేంజ్ కారు ఐకానిక్ స్పోర్ట్స్ కార్లలో టాపింగ్ వెర్షన్‌గా ఉంది. రూ. 3.13 కోట్ల ధర కలిగిన పోర్షే 911 టర్బో ఎస్ కు 650 హెచ్‌పి పవర్ ఇంజన్ ఉంది. ఇది 8.9 సెకన్లలో 200 కిలోమీటర్ల వేగాన్ని అందుకోగలదు.

దీపిందర్ గోయల్ లంబోర్ఘిని ఉరస్‌ కారు కూడా ఉంది. ఈ కారును ప్రపంచంలోనే అత్యంత వేగవంతమైన SUV అని పిలుస్తారు. ఎందుకంటే ఈ కారు కేవలం 3.6 సెకన్లలో సున్నా నుంచి 100కి.మీ వేగాన్ని చేరుకుంటుంది. లంబోర్ఘిని ఉరస్ స్పోర్ట్స్ కారు మార్కెట్‌ ధర రూ.4.18 కోట్లుగా ఉంది.

దీపిందర్ గోయల్ కు 911 టర్బో Sతో పాటు పోర్స్చే 911 కారెరా S కారు కూడా ఉంది. దీని ధర రూ.1.88 కోట్ల వరకు ఉంది. ఆరు ఎయిర్‌బ్యాగ్‌లతో కూడిన పోర్షే 911 కారెరా S వేగంతో పాటు ప్రయాణీకులకు భద్రతను అందిస్తుంది.