క్రిప్టో అకౌంట్స్కు చైనా వీబో షాక్, బిట్ కాయిన్ భారీ పతనం
క్రిప్టోకరెన్సీ మార్కెట్ అంతకంతకూ క్షీణిస్తోంది. ఓ సమయంలో 65వేల స్థాయికి వెళ్లిన క్రిప్టో కింగ్ బిట్ కాయిన్, 3వేలు క్రాస్ చేసిన సెకండ్ బిగ్గెస్ట్ క్రిప్టో ఎథేరియం ఇప్పుడు కిందకు జారుతున్నాయి. ఎలాన్ మస్క్ వ్యాఖ్యలు, చైనా, టర్కీ వంటి దేశాల నిర్ణయాలు క్రిప్టోను దెబ్బతీస్తున్నాయి. తాజాగా చైనా సోషల్ మీడియా వేదిక వైబో కొన్ని క్రిప్టో అకౌంట్ ఖాతాలను తాత్కాలికంగా నిలిపివేసింది. దీనిపై వైబో అధికార ప్రతినిధి స్పందించేందుకు నిరాకరించారు. క్రిప్టో కరెన్సీని సంస్థాగతంగా స్వీకరించేందుకు చాలా పెద్ద ప్రక్రియ అని గోల్డ్మన్ శాక్స్ తెలిపింది.
బిట్ కాయిన్ సహా పలు క్రిప్టోకరెన్సీలు ఆదివారం నుండి ఇరవై నాలుగు గంటల్లో దారుణంగా పతనమయ్యాయి. కాయిన్ జెకో అంచనా ప్రకారం ఎథేరియం మాత్రం స్వల్పంగా లాభపడింది. గతంలో క్రిప్టో ట్రేడింగ్, బిట్ కాయిన్ మైనింగ్ పైన చైనా ప్రభుత్వం కఠిన ఆంక్షలు విధించింది.
దీంతో క్రిప్టో కరెన్సీ ధరలపై ఒత్తిడి పెరిగింది. వైబో నిషేధం, గోల్డ్మన్ శాక్స్ నివేదిక నేపథ్యంలో బిట్ కాయిన్ ఇరవై రోజుల దిగువకు పడిపోయింది. అంతేకాదు, బిట్ కాయిన్ రియల్ మనీ కాదని ఎలాన్ మస్క్ వ్యాఖ్యానించారు. 200 రోజుల కనిష్టస్థాయికి పడిపోయే సూచనలు కూడా కనిపిస్తున్నాయి.