మరో హైదరాబాదీ ఫార్మా కంపెనీ రికార్డ్: కోవ్యాక్స్ ఉత్పత్తి..సరఫరా: యూనిసెఫ్‌తో ఒప్పందం

హైదరాబాద్: హైదరాబాద్‌కు చెందిన మరో ఫార్మాసూటికల్స్ కంపెనీ.. ప్రాణాంతక కరోనా వ్యాక్సిన్‌.. కోవ్యాక్స్‌ను ను నిర్మూలించడానికి అవసరమైన వ్యాక్సిన్‌ తయారు చేయబోతోంది. భారత్‌లో సరఫరా చేయడానికి అవసరమైనన్ని డోసులను ఉత్పత్తి చేయనుంది. అలాగే- యునైటెడ్ నేషన్స్ చిల్డ్రన్స్ ఫండ్ (యునిసెఫ్)కు కూడా సరఫరా చేయనుంది. దీనికి సంబంధించిన ఒప్పందాన్ని కుదుర్చుకున్నట్లు అరబిందో ఫార్మాసూటికల్స్ కంపెనీ లిమిటెడ్ వెల్లడించింది. ఈ మేరకు కొద్దిసేపటి కిందట ఓ ప్రకటన విడుదల చేసింది.

ప్రస్తుతం తాము 220 మిలియన్ డోసుల కోవ్యాక్స్ వ్యాక్సిన్‌ను తయారు చేస్తున్నామని, దీన్ని మరింత పెంచాల్సి ఉందని పేర్కొంది. వచ్చే ఏడాది జూన్ నాటికి సుమారు 480 మిలియన్ డోసులను ఉత్పత్తి చేయడానికి అవసరమైన చర్యలను తీసుకోవాల్సి ఉందని తెలిపింది. కోవ్యాక్స్ వ్యాక్సిన్‌ను సరఫరా చేయడం మాత్రమే కాకుండా.. దాన్ని సొంతంగా విక్రయించేలా నాన్ ఎగ్జిక్యూటివ్ హక్కులను కూడా పొందినట్లు తెలుస్తోంది. కోవ్యాక్స్ వ్యాక్సిన్‌ను యునైటెడ్ బయోమెడికల్ ఇంటర్నేషనల్ కార్పొరేషన్ అభివృద్ధి చేస్తోంది. ప్రస్తుతం ఈ వ్యాక్సిన్‌కు సంబంధించిన క్లినికల్ ట్రయల్స్ ఆరంభదశలో ఉన్నాయి.

వాటిని పూర్తి చేసుకుని వచ్చే ఏడాది ప్రారంభంలో ఆసియా, లాటిన్ అమెరికా, అమెరికా, భారత్‌లో సరఫరా చేసేలా ఆ కంపెనీ భవిష్యత్ కార్యాచరణ ప్రణాళికలను రూపొందించుకుంది. సాధారణ రిఫ్రేజిరేటర్లలో నిల్వ ఉంచేలా కోవ్యాక్స్‌ను అభివృద్ధి చేశామని యునైటెడ్ బయోమెడికల్ పేర్కొంది. వర్ధమాన, అభివృద్ధి చెందే దేశాలకు ఇది ఉపకరిస్తుందని అంచనా వేస్తున్నామని తెలిపింది. కాగా- ఇప్పటిదాకా 2.8 బిలియన్ డాలర్లకు సంబంధించిన ఆర్డర్లు తమకు అందాయని కోవ్యాక్స్ వెల్లడించింది. బ్రెజిల్, పెరు, ఈక్వెడార్‌తో పాటు పలు దేశాల నుంచి 140 మిలియన్ డోసులకు సంబంధించిన ఆర్డర్లు ఉన్నట్లు