సుందర్ పిచాయ్ గూగుల్ను వీడుతున్నారా? గూగుల్ సీఈవో జాబ్ ఖాళీ అంటూ...
కాలిఫోర్నియా: లింక్డిన్లో జరిగిన సాంకేతిక పొరపాటు కారణంగా గూగుల్ సీఈవో ఉద్యోగం ఖాళీగా ఉన్నట్లు చూపించింది. దీంతో గూగుల్ సీఈవో పోస్ట్ ఆఫర్ పలువురికి వెళ్లింది. ఓ బగ్ కారణంగా కంపెనీకి తెలియకుండానే ఎవరైనా ఈ జాబ్ పోస్ట్ చేసేలా యూజర్లకు అనుమతి లభించింది. లింక్డిన్లోని ఏ బిజినెస్ పేజీలో అయినా జాబ్ పోస్ట్ చేసేలా సాంకేతిక లోపం తలెత్తింది. దీంతో సీఈవో ఆఫర్ వెళ్లింది.
సరికొత్త SBI వెల్త్: అర్హతలు, ప్రయోజనాలు తెలుసుకోండి
గూగుల్ సీఈవో ఉద్యోగం ఖాళీగా ఉందా.. షాకైన నెటిజన్లు
గూగుల్ సీఈవో పోస్ట్ ఖాళీగా ఉందని చూసి లింక్డిన్ యూజర్లు షాకయ్యారు. గూగుల్లో ఉద్యోగం కావాలని కోట్లాది మంది కోరుకుంటారు. ఇక సీఈవో పదవి అంటే.. ఇది చూసిన అవాక్కయ్యారు. దీంతో సుందర్ పిచాయ్ స్థానంలో గూగుల్ మరొకరిని తీసుకు వస్తుందా అని ఆశ్చర్యపోవద్దు. ఎందుకంటే ఇది బగ్ కారణంగా వచ్చిన సమస్య.
టెక్నికల్ సమస్యను సరిచేశారు
ఈ జాబ్ అంశాన్ని నెదర్లాండ్స్కు చెందిన రిక్రూటర్ మైఖేల్ రిజిండర్స్ గుర్తించాడు. కంపెనీ దృష్టికి తీసుకెళ్లాడు. చాలామంది గూగుల్ సెర్చింజన్లో సీఈవో జాబ్ గురించి వెతికారు. అయితే టెక్నికల్ సమస్య అని తెలియడంతో దానిని సరిచేశారు. ఈ విషయాన్ని లింక్డిన్ ధ్రవీకరించింది. బగ్ వల్ల ఈ సమస్య తలెత్తిందని, దీనిని సరిచేశామని, ఇక నుంచి అలాంటివి జరగకుండా చూసుకుంటామని తెలిపింది.
అందుకే.. ఇలా
తమ పోర్టల్లో బగ్ కారణంగా జాబ్ పోస్ట్ చేశాక యూజర్లు కంపెనీని ఎడిట్ చేసే అవకాశం కలిగిందని, ఇలాంటి మోసపూరిత ప్రకటనలు తమ కంపెనీ నియమ నిబంధనలకు విరుద్ధమని లింక్డిన్ ప్రకటించింది. ఓ కంపెనీ తరఫున మరో కంపెనీ జాబ్లను పోస్ట్ చేసేందుకు అనుమతి ఉన్నప్పటికీ, దానికి వేరే పార్టీ వాళ్ల అనుమతి తప్పనిసరి అని, చిన్న, మధ్యస్థ కంపెనీల జాబ్లను ఉచితంగా పోస్ట్ చేసేలా ఫ్రీ ట్రయల్స్ చేస్తున్నామని, గూగుల్ సీఈవో పోస్టును చేసిన కంపెనీ అందులో ఒకటి అని పేర్కొంది.
ఛార్జీలు వసూలు చేసే లింక్డిన్
సాధారణంగా ఈ ప్లాట్పాంలో ఉద్యోగాల ఓపెనింగ్ కోసం లింక్డిన్ ఛార్జీలు వసూలు చేస్తుంది. దీని కోసం ప్రీమియం అకౌంట్ పొందాలి. గూగుల్ సీఈవో ఉద్యోగం ఖాళీకి సంబంధించిన పోస్టు జూలై 28, 2019న కనిపించింది. ఇది రెగ్యులర్ జాబ్ పోస్టింగ్ల వలె ఉంది. దీనిపై నెటిజన్లు తమదైన శైలిలో సెటైర్లు వేశారు.