మార్కెట్ కాపిటలైజేషన్

బీఎస్ఈలో లిస్ట్ అయిన కంపెనీల మార్కెట్ క్యాపిటలైజేషన్ రూ.151.35 లక్షల కోట్లుగా ఉండేది (ఇది జూలై 5వ తేదీన). అదే ఈ రోజు ఇది రూ.144.76 కోట్లుగా ఉంది. అంటే సుమారు రూ.6.59 లక్షల కోట్లు గాల్లో కలిసిపోయాయి. ఇది మరింతగా దిగివచ్చే సూచనలు ఉన్నాయని మార్కెట్ నిపుణులు మరింత ఆందోళనలా ఉన్నారు. ఎందుకంటే మన దేశంలో ముందే వర్షాభావ పరిస్థితులతో పాటు వృద్ధి సమస్యలు నెత్తినపడ్డాయి. ఇవన్నీ ఒకేసారి దాడి చేయడంతో మార్కెట్ కుప్పకూలింది. అయితే ప్రభుత్వం కాస్త ఇలాంటి విషయాలను సున్నితంగా పరిశీలించాల్సిన అవసరం ఉందని సూచిస్తున్నారు.

తీసేసింది రూ.16 వేల కోట్లే

డిపాజిటరీల దగ్గర ఉన్న సమాచారం ప్రకారం ఎఫ్ఐఐలు ఈక్విటీ మార్కెట్ల నుంచి ఇప్పటివరకూ ఉపసంహరించుకున్న నిధుల మొత్తం రూ.7712.12 కోట్లు మాత్రమే. ఇదే సమయంలో డెట్ మార్కెట్ల నుంచి రూ.9371 కోట్లను తీసేసుకున్నారు. అయితే ఇంతకు ఎన్నో రెట్లతో మార్కెట్ క్యాపిటలైజేషన్ ఆవిరైపోయింది.

463 స్టాక్స్‌కు పెద్ద దెబ్బ

మార్కెట్ పతనంలో ఈ రోజు ఏకంగా 463 స్టాక్స్ 52 వారాల కనిష్టానికి చేరాయి. అందులో అసీల్యా కాలే, అక్షర్ కెమ్, అరబిందో ఫార్మా, బిఏఎస్ఎఫ్, కేర్, సియట్, సైయెంట్, ఐషర్, గోద్రెజ్ కన్స్యూమర్, హెచ్ ఈజీ, ఐఎఫ్‌బి ఇండస్ట్రీస్, నీల్ కమల్, రూపా అండ్ కంపెనీ, ట్రైడెంట్, టీవీఎస్ ఎలక్ట్రానిక్స్, వి2 రిటైల్, వెంకీస్, వీఎస్టీ టిల్లర్స్, వండర్ లా హాలిడేస్ వంటి ఎన్న స్టాక్స్ మల్టీ ఇయర్ లో స్థాయిలను టచ్ చేస్తున్నాయి.