7 శాతంకు చెల్లుచీటి

అమెరికాలో 3,00,000 మంది ఇండియన్ H1B టెంపరరీ వర్క్ వీసా హోల్డర్స్ ఉన్నారు. ఇందులో చాలామంది గ్రీన్ కార్డ్ ప్రాసెస్ వివిధ దశల్లో ఉంది. ఓ ఏడాదిలో 7 శాతం మంది H1B హోల్డర్స్‌కు మాత్రమే గ్రీన్ కార్డ్ ఇచ్చే నిబంధన ఇప్పటి వరకు ఉంది. ప్రతి ఏటా అమెరికా ప్రభుత్వం 26వేల మందికి గ్రీన్ కార్డులు జారీ చేస్తుంది. ఏడు శాతం మందికి మాత్రమే గ్రీన్ కార్డు జారీ చేస్తుండటంతో భారతీయులు ఇబ్బందులు ఎదుర్కొంటున్నారు. అమెరికాలో శాశ్వత నివాస హోదా కోసం భారతీయులు 25 ఏళ్ల నుంచి 95 ఏళ్ల వరకు నిరీక్షించాల్సిన పరిస్థితులు ఉన్నాయని కొద్దికాలం క్రితం ఓ నివేదిక వెల్లడించింది.

85 శాతం, 90 శాతం వరకు ఇండియ్, చైనీయులకు

ఇటీవల అమెరికా 7 శాతం నిబంధనను తొలగించింది. కొత్త నిర్ణయాల ప్రకారం రానున్న రెండేళ్లలో వరుసగా 85 శాతం వరకు ఆంక్షలు ఉండవు. అంటే, రానున్న రెండేళ్లలో 85 శాతం వరకు భారతీయులు, చైనీయులకు ఇస్తారు. మూడో సంవత్సరం 90 శాతం కేటాయిస్తారు. అలాగే పెండింగులో ఉన్న దరఖాస్తులు తగ్గించాలని నిర్ణయించారు. ది ఫెయిర్‌నెస్ హైస్కిల్డ్ ఇమ్మిగ్రేషన్ చట్టం 2019 ప్రకారం పై నిబంధనలు తీసుకువచ్చారు.

ఐటీ కంపెనీల స్వాగతం

ఈ బిల్లును బుధవారం 435 సభ్యుల యూఎస్ హౌస్‍‌లో 365-65 ఓట్లతో బిల్లు పాస్ అయింది. హౌజ్ ఆఫ్ రిప్రజెంటేటివ్స్ ఆమోదం లభించింది. సెనేట్ ఆమోదం అనంతరం అధ్యక్షుడు డొనాల్డ్ ట్రంప్ సంతకం చేయాలి. టాప్ ఐటీ కంపెనీలు అన్నీ కూడా ఈ బిల్లును స్వాగతిస్తున్నాయి. అమెజాన్, మైక్రోసాఫ్ట్ ఈ బిల్లును స్వాగతించాయి. ప్రతిభను ప్రోత్సహించడం బిజినెస్‌కు, ఆర్థిక వ్యవస్థకు మంచిదని మైక్రోసాఫ్ట్ ప్రెసిడెంట్ బ్రాడ్ స్మిత్ అన్నారు. బిల్లుకు మద్దతు తెలిపిన రిప్రజెంటేటివ్స్‌కు థ్యాంక్స్ అని అమెజాన్ ట్వీట్ చేసింది.